Marka 3:2 - Xitsonga (Bibele)

² Kutani va n'wi xiya ku vona xana u ta n'wi hanyisa hi siku ra Savata leswaku va ta n'wi hehla.

BIBELE Mahungu Lamanene

² Kutani Vafarisi va xiya Yesu ku vona loko a ta hanyisa munhu loyi hi siku ra Savata, leswaku va ta kota ku n'wi veka nandzu.

Testamente Leyimpsha Xichangana

² Kutani Vafarisi avalangutisisa Yesu kuvona kumbe atahanyisa munhu lweyi hi siku ra Savata, lesvaku vatakota kumunyika nandzu.

Marka 3:2 Iomraidhean Croise

Pisalema 37:32

Lowo biha u rindza la lulameke, U lava ku n'wi dlaya;

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Daniele 6:4

Kavaloko tindhuna ni masatrapi va lava nkarhi wa ku hehla Daniele entirhweni wa ku fuma lowu a wu tirhaka kambe a va wu kumanga, ni loko ku ri ku n'wi sandza ha nchumu, hikuva a a ri munhu la tshembekeke, kutani a ku nga ri na nandzu eka yena hambi byi ri vumbabva.

Matewu 12:10

Munhu a a ri kona kwalaho lowa voko ro khwanyala. Kutani va n'wi vutisa ku n'wi xiya, va ku: “Xana swa lulama ku hanyisa hi siku ra Savata xana?” A va lava laha va nga n'wi hehlaka hakona.

Marka 3:3

Kavaloko Yesu a ku eka munhu la khwanyaleke voko: “Suka, u yima la xikarhi.”

Luka 14:1

Kuteloko a nghenile hi siku ra Savata endlwini ya nkulukumba un'wana wa Vafarisi, ku ya dya swakudya kona, vona a va n'wi xiya.

Luka 20:20

Kutani va n'wi xiya, va rhuma tinhlori leti tiendlaka vanhu lavanene, leswaku va ta n'wi phasa hi marito ya yena, va ta n'wi nyiketa tihosi ni le matimbeni ya mufumi.

Luka 6:7

Vatsari ni Vafarisi va n'wi siya, va languta xana u ta n'wi hanyisa hi Savata, leswaku va kuma lexi va nga n'wi hehlaka ha xona.

Yohane 8:6

Va vurisa sweswo ku n'wi ringa, ni ku kuma leswi va nga ta n'wi hehla ha swona. Kambe Yesu a korhama a tsala ehansi hi ritiho.

Yohane 9:16

Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.