Marka 13:14 - Xitsonga (Bibele)

¹⁴ “Kutakuloko mi vona manyala ya ku hlaseriwa lama vuriweke hi muprofeta Daniele, ma yimile laha ma nga faneriki (la hlayaka a a tsundzuke); enkarhini wolowo, lava nga eYudiya a va tsutsumele etintshaveni;

BIBELE Mahungu Lamanene

¹⁴ “Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Testamente Leyimpsha Xichangana

¹⁴ “Kutaku loko mivona ‘xilo xa manyala lexiwonhetelaka’ xililaha xingafaneliki kuva kona lweyi ahlayaka aatwisise, nkarhini wolowo, lava vanga Yudeya avatsutsumele tintshaveni;

Marka 13:14 Iomraidhean Croise

Swirilo 1:10

Nala u tshambulutile voko ra yena Eswilweni hinkwaswo swa yena leswi pfumalekaka, Hikuva u vone matiko ma nghena exikwetsimisweni xa yena, Lawa ingi u lerisile leswaku ma nga tshuki ma nghena enhlengeletanweni ya wena.

Ezekiele 44:9

Loko swi ri tano, Hosi Yehovha u ri: A ku na n'wana wa vamatiko, loyi a nga khuna embilwini ni le nyameni, la nga nghenaka evukwetsin'weni bya mina; ndzi vula sweswo eka vana va matiko lava va tshamaka exikarhi ka vana va Israele.

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 12:11

Kutani ku sungula hi nkarhi wa ku herisiwa ka gandzelo ra masiku, lowu ku nga ta tlhomiwa manyala ya muonhi, ku ta hundza masiku ya 1 290.

Daniele 8:13

Kutani ndzi yingisa un'wana wa vahlawuriwa a vulavula; kutani muhlawuriwa un'wana a hlamula la nga sungula ku vulavula, a ku: “I mangani masiku lama hlayiweke eka xivono lexi ematshan'weni ya gandzelo ra masiku, ni le matshan'weni ya xidyoho lexi onhaka xana? Xikwetsimisiso ni mavandla swi ta hluriwa swi kandziyeriwa ku yisa kwihi?”

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Matewu 13:51

Yesu a ku eka vona: “Xana ma ti twa timhaka leti hinkwato xana?” Va ku eka yena: “Ina, Hosi.”

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

Nhlavutelo 1:3

Ku katekile la hlayaka ni lava yingisaka timhaka ta vuprofeta lebyi, lava hlayisaka leswi tsariweke kona, hikuva nkarhi wu kusuhi.

Nhlavutelo 13:18

Hilaha vutlhari byi nga kona: Loyi a tlhariheke a a ringanise ntsengo wa xivandza, hikuva i ntsengo wa munhu; kutani ntsengo wa xona i 666.