Marka 12:14 - Xitsonga (Bibele)

¹⁴ Vona va ta, va ku eka yena: “Mufundhisi, ha tiva leswaku u vula lexi tiyeke, ni leswaku a ku na vutoya ha munhu, hikuva a ku languti nghohe ya vanhu, kambe ndlela ya Xikwembu u yi dyondzisa hi ku tiyisa, Xana swa hi fanela ku humesela Khezari ndzuvo, kumbe a hi swona-ke? Xana hi ta humesa, kumbe hi nga humesi?”

BIBELE Mahungu Lamanene

¹⁴ Kutani va ta, va ta ku ka yena: “Mudyondzisi, ha swi tiva leswaku u vula ntiyiso, ni leswaku a wu landzeleli swa vanhu, hikuva a wu yi hi nghohe, kambe u dyondzisa ndlela ya Xikwembu hi ntiyiso. Xana swa fanela ku humesela Khezari endzuvo, kambe a swi faneli ke? Xana ha humesa, kumbe a hi humesi ke?”

Testamente Leyimpsha Xichangana

¹⁴ Kutani vata, vataku ka yena: “Mujondzisi, hasvitiva lesvaku uvula ntiyiso, ni lesvaku awulandzeleli sva vanhu, hikuva awuyi hi nghohe, kambe ujondzisa ndlela ya Xikwembu hi ntiyiso. Xana svafanela kuhumesela Khezari rhesa, kumbe asvifaneli ke? Xana hihumesa, kumbe hingahumesi ke?”

Marka 12:14 Iomraidhean Croise

2 TIKRONIKA 18:13

Mikaya a hlamula, a ku: “Yehovha wa hanya! Ndzi ta vula leswi Yehovha a nga ta ndzi byela swona!”

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

Nehemiya 9:37

ku nona ka rona ku talele tihosi leti u ti vekeke ku hi fuma hikwalaho ka swidyoho swa hina, va ni matimba ehenhla ka hina, ni miri wa hina, ni tihomu ta hina, hinkwako, hilaha va swi rhandzaka hakona, kutani hina hi le khombyeni lerikulu!”

Pisalema 120:2

Yehovha, lamulela moya wa mina enon'wini wa muhembi, Eririn'wini leri kanganyisaka.

Pisalema 55:21

Nomu wa yena wu tlula phehlwa hi ku nandziha; Kambe ku lwa ku kona embilwini ya yena; Marito ya yena ma tlula mafurha hi ku olova, Kambe i mabanga lama hlomuriweke.

Yeremiya 42:20

Hikuva ma tixisa emimoyeni ya n'wina, kasi mi ndzi rhumile eka Yehovha Xikwembu xa n'wina, leswaku ndzi mi khongelela eka Yehovha, Xikwembu xa hina, kutani hinkwaswo leswi Yehovha, Xikwembu xa hina, a nga ta hi byela, u ta hi tivisa swona, hi ta swi endla.

Mikiya 3:8

Kambe mina, ndzi tele matimba, ndzi tele Moya wa Yehovha, ni ku lulama ni vunhenha, swi ri leswaku ndzi ta byela Yakobo ku tlhela ka yena, na Israele, xidyoho xa yena.

Matewu 22:16

Kutani va rhuma eka yena vadyondzisiwa va vona ni va ka Heroda, va ya n'wi byela, va ku: “Mufundhisi, ha swi tiva leswaku wa vurisa, ni leswaku u dyondzisa ndlela ya Xikwembu hi ntiyiso, u nga chavisiwi hi munhu, hikuva a wu languti nghohe ya munhu.

Matewu 22:17

Wa nga hi byela, xana swa hi lulamela ku humesela Khezari ndzuvo, kumbe a hi swona-ke?”

Marka 12:13

Kutani va rhuma eka yena van'wana va Vafarisi ni Vaheroda leswaku va n'wi phasa hi marito.

Marka 12:15

Kambe yena, hi ku xiya ku kanganyisa ka vona, a ku eka vona: “Mi ndzi ringela yini? Ndzi tiseleni denari, ndzi yi vona.”

Marka 14:45

Kuteloko a fika, a hatlisa a tshinelela Yesu, a ku: “Rabi! Rabi!” A n'wi ntswontswa.

Luka 20:22

Xana swa hi lulamela ku humesela Khezari ndzuvo, kumbe a hi swona-ke?” Kuteloko a vona mano ya vona, a ku eka vona:

Luka 23:2

va sungula ku n'wi hehla, va ku: “Hi kumile munhu loyi a hlohlotela tiko, a tshimbisa vanhu ku humesela Khezari ndzuvo; naswona u tivula Kriste, hosi.”

Yohane 7:18

La tisungulelaka swa yena u tilavela ku dzunisiwa, kambe la lavaka ku dzunisiwa eka la n'wi rhumeke, hi yena loyi a nga wa ntiyiso, kutani ku homboloka a ku kona eka yena.

Varhoma 13:6

Hikwalaho mi humesaka ndzuvo; hikuva tihosi, i vatirhi va Xikwembu lava tiyiselaka entirhweni wa vona hi mikarhi.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

2 Vakorinto 2:2

hikuva loko ndzi mi khomisa gome, ndzi ta tsakisiwa hi mani, loko a nga ri loyi ndzi n'wi khomiseke gome xana?

2 Vakorinto 4:1

Hikwalaho, leswi hi nga ni ntirho wolowo hi tintswalo leti hi ti nyikiweke, a hi heli mbilu,

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

2 Vakorinto 5:16

Hikwalaho, sweswi a hi nga ha tivi munhu hi ku tiva ka nyama, swi tsandza na yena Kriste, loko ngi hi n'wi tivile hi nyama, sweswi a ha ha n'wi tivi hi mukhuva wolowo.

Vagalatiya 1:10

Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

Vagalatiya 2:6

Loko va ri lava hlayiwaka leswaku hi lavo rhanga, (hambi va ri lavo yini na yini, a swi na mhaka eka mina, hikuva Xikwembu a xi yi hi nghohe ya vanhu); ndzi ri: Lava ringanisiwaka leswaku hi lavo rhanga, a va ndzi engetelanga nchumu;

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

1 Vatesalonika 2:4

kambe tanihi leswi Xikwembu xi hi voneke hi ri lava fanelaka ku averiwa ntirho wa Evhangeli, hi vurisa sweswo, swi nga ri leswaku hi tsakisa vanhu, kambe swi ri leswaku hi tsakisa Xikwembu lexi ringaka timbilu ta hina.