Marka 10:14 - Xitsonga (Bibele)

¹⁴ Yesu, loko a swi vona, a kariha, a ku eka vona: “Tshikani vana va ta eka mina, mi nga tshuki mi va sivela, hikuva ku fuma ka Xikwembu i ka lava fanaka na vona.

BIBELE Mahungu Lamanene

¹⁴ Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Testamente Leyimpsha Xichangana

¹⁴ Loko Yesu asvivona, avilela ngopfu, aku ka vona: “Tshikani vatsongwana vata ka mina, mingatshukeni mivasivela, hikuva Mfumu wa Xikwembu i wa lavafanaka na vona.

Marka 10:14 Iomraidhean Croise

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Pisalema 78:4

Hi nga ka hi nga swi fihleri vana va vona; Hi ta hlayela vatukulu swidzuniso swa Yehovha, Swin'we ni matimba ya yena ni mahlori lawa a nga ma endla.

Esaya 65:23

va nga ha tikarhateli swahava, a va nga ha veleki vana ku va vona va hatla va fa; hikuva va ta va rixaka leri katekisiweke hi Yehovha, kutani vana va vona va ta hanya na vona.

Tinhlayo 14:31

Vananyana va n'wina lava mi nga te henhla ka vona leswaku va ta khomiwa hi valala, ndzi ta va nghenisa, kutani va ta tiva tiko leri mi ri sandzeke.

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Matewu 18:4

Hikwalaho un'wana ni un'wana la titsongahataka kukotisa n'wana loyi, hi yena la nga lonkulu eku fumeni ka matilo.

Matewu 19:14

Kambe Yesu a ku eka vona: “Tshikani, mi nga tshuki mi sivela vana ku ta eka mina hikuva ku fuma ka matilo i ka lava fanaka na vona.”

Matewu 5:10

Ku katekile lava xanisiwaka hikwalaho ka ku lulama, hikuva ku fuma ka matilo i ka vona.

Matewu 5:3

“Ku katekile swisiwana emoyeni, hikuva ku fuma ka matilo i ka swona.

Marka 3:5

Yena a va rhalarhala hi mahlo hi ku kariha a vavisekile hi ku nonon'hwa ka timbilu ta vona; kambe a ku eka munhu loyi: “Tshambuluta voko ra wena.” A ri tshambuluta, kutani voko ra yena ri hanya.

Marka 8:33

Kambe yena a rhendzeleka, a languta vadyondzisiwa va yena, a tshinya Petro, a ku: “Suka eka mina Satana, hikuva a ku twi swa Xikwembu, u twa swa vanhu ntsena.”

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Timhaka 3:25

Hi n'wina vana va vaprofeta ni va ntwanano lowu Xikwembu xi nga wu endla ni vatata wa hina, loko xi ku eka Abrahama: Tinxaka hinkwato ta misava ti ta katekisiwa hi vatukulu va wena.

Varhoma 11:16

Loko swirhangana swi kwetsimile, vunyingi, na byona, byi kwetsimile; kutani loko rimitsu ri kwetsimile, marhavi, na wona, ma tano.

Varhoma 11:28

Kunene, hitlhelo ra Evhangeli, i valala hikwalaho ka n'wina; kambe hitlhelo ra ku hlawuriwa, va ha ri varhandziwa hikwalaho ka vatatana va vukulukulu,

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

1 Vakorinto 7:14

Hikuva nuna la nga pfumeriki u kwetsimisiwa hi nsati, ni nsati la nga pfumeriki u kwetsimisiwa hi nuna; loko swi nga ri tano vana va n'wina va ta va vana va thyaka, kasi sweswi, va kwetsimile.

Vaefesa 4:26

Kungakuloko mi kariha, mi nga tshuki mi dyoha; dyambu ri nga peleli vukari bya n'wina;

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

2 Timotiya 1:5

ndzi anakanya ni ku pfumela loku baseke loku nga eka wena ni loku ngi ku akile khale eka Luwisa kokwa wa wena, ni ka Yunika mana wa wena; kutani ndzi tshemba ngopfu leswaku ku kona, ni ka wena.

2 Timotiya 3:15

ku suka evutsongwaneni bya wena, u tiva Matsalwa layo kwetsima, wona ma nga ku nyika vutlhari bya ku kuma ku hlayiseka hi ku pfumela eka Yesu Kriste.

Yoxuwa 8:35

A ku vanga na rito rin'we eka hinkwaswo leswi lerisiweke hi Muxe, leri nga hlayiwangiki hi Yoxuwa emahlweni ka nhlengeletano hinkwayo ya Israele, ni le mahlweni ka vavasati, ni vana ni valuveri, lava fambaka exikarhi ka vona.

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Nhlavutelo 14:5

Mavunwa a ma kumiwangi emilon'wini ya vona, hikuva va pfumale xivati.

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

1 SAMIELE 1:22

Kambe Hana a nga tlhandlukanga, hikuva a ku eka nuna wa yena: “Loko wandzisanyana a lumukile, ndzi ta n'wi yisa, u ta kombisiwa emahlweni ka Yehovha, kutani u ta tshama kona masiku hinkwawo.”