Luka 9:1 - Xitsonga (Bibele)

¹ Yesu a hlengeleta vadyondzisiwa va yena va khume na vambirhi, kutani a va nyika matimba ni vuhosi ehenhla ka mademona hinkwawo, ni matimba ya ku horisa mavabyi.

BIBELE Mahungu Lamanene

¹ Yesu a hlengeleta lava khume na vambirhi, a va nyika matimba ni vuhosi ku hlongola mademona, ni ku horisa lava vabyaka.

Testamente Leyimpsha Xichangana

¹ Yesu ahlengeleta lava va khume ni vambirhi, avanyika matimba ni vuhosi henhla ka madimoni, ni kuhanyisa lavavabzaka.

Luka 9:1 Iomraidhean Croise

Matewu 16:19

Ndzi ta ku nyika swilotlelo swa ku fuma ka matilo, kutani hinkwaswo leswi u nga ta swi boha la emisaveni, swi ta bohiwa ni le tilweni, ni leswi u nga ta swi tshunxa la emisaveni, swi ta tshunxiwa ni le tilweni.”

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Matewu 8:9

Hikuva, na mina, ndzi nga munhu la fumiwaka hi van'wana, ndzi ni masocha lama nga ehansi ka mina; loko ndzi ku eka un'wana: ‘Famba!’ wa famba; eka un'wana: ‘Tana!’ wa ta; ni ka nandza wa mina: ‘Endla swo karhi,’ wa swi endla.”

Luka 10:1

Endzhaku ka sweswo, Hosi yi tlhela yi veka van'wana va ntlhanu wa makume na makume mambirhi, kutani yi va rhuma havambirhi leswaku va n'wi rhangela emahlweni, emitini hinkwayo ni matlhelo hinkwawo laha a nga ta famba kona.

Luka 10:19

Vonani, ndzi mi nyika matimba ya ku kandziya tinyoka ni swipame, ni le henhla ka matimba hinkwawo ya nala; kutani a ku na nchumu lowu nga ta mi endla swo biha.

Yohane 14:12

“Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Timhaka 1:8

kambe mi ta nyikiwa matimba, siku Moya lowo Kwetsima wu taka eka n'wina; kutani mi ta va timbhoni ta mina kwala Yerusalema, ni le tikweni hinkwaro ra Yudiya, ni ra Samariya, ni ku ya fika emakun'wini ya misava.”

Timhaka 3:16

Hikwalaho ka ku pfumela vito ra yena, hi rona vito ra yena leri tiyiseke munhu loyi mi n'wi vonaka, mi n'wi tivaka; kutani ku pfumela eka Yesu ku n'wi hanyisile swinene emahlweni ka n'wina hinkwenu.

Timhaka 4:30

u tshambuluta voko ra wena leswaku ku ta endliwa ku hanyisiwa, ni swikombiso, ni masingita hi vito ra Yesu, nandza wa wena la hlawuriweke.”

Timhaka 9:34

Kutani Petro a ku eka yena: “Eniya! Yesu Kriste wa ku hanyisa; pfuka, u tisongela sangu ra wena.” Kan'we a pfuka.