Luka 8:13 - Xitsonga (Bibele)

¹³ Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

BIBELE Mahungu Lamanene

¹³ Timbewu leti nga wela emaribyeni, i vanhu lava amukelaka Rito hi ku tsaka siku va ri twaka, kambe va pfumala timitsu, va tiyisela nkarhinyana ntsena; kutani hi siku ra ndzingo va tlhelela ndzhaku.

Testamente Leyimpsha Xichangana

¹³ Timbewu letingawela maribzeni, i vanhu lavayamukelaka Rito hi kutsaka siku leri varitwaka, kambe vapfumala timintsu, vatiyisela nkarhinyana ntsena; kutani hi siku ra ndzingo vatlhelela ndzhaku.

Luka 8:13 Iomraidhean Croise

Ntirho 19:28

Enkarhini wolowo mi ta ku: ‘A hi n'wi xanisela yini?’ Kasi ku lulama ka timhaka ta mina ku ta tiviwa.

Swivuriso 12:12

Lowo biha u navela leswi phangiweke hi lavo biha, Kambe rimitsu ra lava lulameke ri veka mihandzu.

Swivuriso 12:3

Munhu a nga ka a nga tiyisiwi hi leswo biha; Loko ri ri rimitsu ra lavo lulama, ri nga ka ri nga tsekatsekisiwi.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Ezekiele 33:32

“Vona-ke, wena u le ka vona kukotisa risimu leri rhandzekaka ra un'wana la nga ni rito leri tsakisaka, la tivaka ku yimba hi gubu. Hikuva va twa marito ya wena, kambe a va endli ha wona.

Hosiya 6:4

Ndzi ta ku endla yini, Efrayimi? Ndzi ta ku endla yini, Yuda? Hikuva rirhandzu ra n'wina ri tanihi hunguva ya vuxa, ni mberha leyi sukaka hi ku hatlisa.

Marka 6:20

hikuva Heroda a a chava Yohane, hi ku n'wi tiva leswaku i munhu la lulameke, la kwetsimaka; kambe a a n'wi sirhelela, a endla leswo tala hi ku kombisiwa hi yena, a rhandza ni ku n'wi yingisa.

Luka 8:12

Lava nga endleleni, hi lava yingisaka; endzhaku, Diyavulosi a ta, a teka rito etimbilwini ta vona leswaku va nga tshuki va pfumela, va hlayiseka.

Luka 8:14

Leswi weleke emitweni, hi lava yingiseke rito, kambe va famba, va ri tshika ri funengetiwa hi ku vilela, ni ku rhandza ku fuwa, ni ku titsakela ka vutomi lebyi, kutani va nga ha veki mihandzu leyi vupfaka.

Yohane 15:2

Rhavi rin'wana ni rin'wana leri nga eka mina, leri nga vekiki, wa ri tsema; kutani rin'wana ni rin'wana leri vekaka, wa ri tsema, leswaku ri engeta ku veka.

Yohane 15:6

Kungakuloko munhu a nga tshami eka mina, u ta cukumetiwa ehandle kukotisa rhavi; kutani marhavi lama omeke, ma rholeriwa ma cukumetiwa endzilweni, ma tshwa.

Yohane 5:35

Yohane a a ri rivoningo leri pfurhaka, leri voningaka; kutani n'wina mi rhandzile ku tsakela ku vonakala ka yena hi nkarhinyana.

1 Vakorinto 13:2

Kutani hambi ndzi nga nyikiwa vuprofeta, ni loko ndzi tiva swihundla hinkwaswo ni vutlhari hinkwabyo; hambi ndzi ri ni ku pfumela hinkwako, ndzi ko ndzi tlakusa tintshava; kambe ndzi nga ri na rirhandzu, a ndzi nchumu.

1 Vakorinto 15:2

leyi mi ponisiwaka ha yona loko mi yi hlayisa hilaha ndzi mi byeleke hakona; loko ngi a mi pfumelangi eka yona mahala.

Vagalatiya 3:1

Yo! Vagalatiya, swihunguki! Mi yenge hi mani, n'wina lava Yesu Kriste a kombisiweke emahlweni ka n'wina hi ku tlula ngopfu, ingi u vambiwile exikarhi ka n'wina.

Vagalatiya 3:4

Xana ku xaniseka lokonghaso, mi ku yingisele mahala xana? Loko kunene swi ri mahala!

Vaefesa 3:17

ni leswaku Kriste a aka etimbilwini ta n'wina hi ku pfumela,

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vakolosa 2:7

mi ri karhi mi dzima timitsu eka yena, mi va mi akiwa eka yena, mi tiya eku pfumeleni, hilaha mi dyondzisiweke hakona, mi ri karhi mi kulela kona, mi ri ni ku khensa.

1 Vatesalonika 3:5

Ndzi ri, hikwalaho ka ku hluriwa hi ku navela, ndzi rhumile Timotiya, a ta tiva timhaka ta ku pfumela ka n'wina; hi ku chava leswaku kumbe muringi u mi ringile, kutani mitirho ya hina yi hundzuke swahava.

1 Timotiya 1:19

u ri karhi u hlayisa ku pfumela ni ripfalo lerinene, leri van'wana va ri lahleke; ku pfumela ka vona ku halakile kukotisa byatso;

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Yakobo 2:26

Hikuva kukota loko miri lowu nga riki na moya wu file, hi mukhuva wolowo, na kona ku pfumela loku nga riki na mitirho, ku file.

2 Petro 2:20

Hikuva loko va fularhele thyaka ra misava hi ku tiva Yesu Kriste Hosi ni Mulondzovoti wa hina, kutani va tlhela va khomiwa ha rona, timhaka ta vona ta makumu ti bihile ku tlula leto rhanga.

2 Petro 2:22

Kambe va humeleriwe hi mhaka ya xivuriso lexinene lexi nge: Mbyana yi tlhelele emahlantini ya yona, ni nguluve, loko yi hlantswiwile yi tlhela yi puluvundza endzhopeni.

1 Yohane 2:19

Va humile exikarhi ka hina, kambe a va nga ri va ka hina, hikuva loko ngi va ri va ka hina, ingi va tshamile na hina; kambe ku humelerile sweswo leswaku swi ta vonaka leswaku hinkwavo a hi va ka hina.

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.