Luka 7:19 - Xitsonga (Bibele)

¹⁹ Kutani Yohane a vita vadyondzisiwa va yena vambirhi, a va rhuma eka Yesu, a ku: “Xana hi wena la fanekeleke ku ta, kumbe ha ha langutela un'wana?”

BIBELE Mahungu Lamanene

¹⁹ Kutani Yohane a hlawula vambirhi exikarhi ka vona, a va rhuma eka Hosi ku ya vutisa va ku: “Xana hi wena loyi va nge wa ta, kumbe ha ha langutela un'wana ke?”

Testamente Leyimpsha Xichangana

¹⁹ Kutani Yohani ahlawula vambirhi xikarhi ka vona, avarhuma ka Hosi kuyavutisa vaku: “Xana hi wena lweyi vange wata, kumbe hahalangutela mun'wana ke?”

Luka 7:19 Iomraidhean Croise

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Hagayi 2:7

Ndzi ta tsekatsekisa ni matiko hinkwawo kutani leswi rhandzekaka swa matiko hinkwawo swi ta ta kwala, ndzi va ndzi tata yindlu leyi hi ku kwetsima, ku vula Yehovha wa mavandla.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Marka 6:7

A vitana lava khume na vambirhi a sungula ku va rhuma ha vambirhimbirhi, a va nyika matimba yo hlula mimoya ya thyaka.

Luka 10:1

Endzhaku ka sweswo, Hosi yi tlhela yi veka van'wana va ntlhanu wa makume na makume mambirhi, kutani yi va rhuma havambirhi leswaku va n'wi rhangela emahlweni, emitini hinkwayo ni matlhelo hinkwawo laha a nga ta famba kona.

Luka 11:1

Siku rin'wana, Yesu a a ri kun'wana, a khongela; kuteloko a hetile, un'wana wa vadyondzisiwa va yena a ku eka yena: “Hosi, hi dyondzise ku khongela hilaha Yohane a dyondziseke vadyondzisiwa va yena hakona.”

Luka 11:39

Kutani Hosi yi ku eka yena: “Kunene n'wina, Vafarisi, mi hlantswa ndzheko ni nkambana ehandle, kasi endzeni mi tele hi ku yiva ni lunya.

Luka 12:42

Hosi yi ku: “Mulanguteri hi wihi lowo tshembeka lo wa vutlhari, yeloyi n'wini wa yena a n'wi vekeke mulanguteri wa malandza ya yena, ku va nyika swakudya hi nkarhi wa swona?

Luka 13:15

Kambe Hosi yi n'wi hlamula, yi ku: “N'wamanyunyu, xana un'wana ni un'wana wa n'wina a nge tshunxi homu ya yena, kumbe mbhongolo ya yena exidyelweni hi Savata, a yi yisa eku nweni xana?

Luka 17:5

Kutani vaapostola va ku eka Hosi: “Hi engetele ku pfumela.”

Luka 17:6

Hosi yi ku: “Loko mi ri ni ku pfumela loku fanaka ni ndzhoho ya sinapi, hambi mi nga ku eka murhi lowa nkuwa: U tisimula, u ya tisimeke elwandle, ngi wu ta mi yingisa.

Luka 18:6

Kutani hosi yi ku: “Yingisani lexi vuriwaka hi muavanyisi la nga lulamangiki.

Luka 19:8

Kwalaho Zakiya a yima, a ku eka Hosi: “Vona, Hosi, ndzi avanyisela swisiwana rifuwo ra mina hi le xikarhi; loko ndzi dyile xilo xa munhu ndzi n'wi tlherisela ka mune.”

Luka 22:61

Kutani Hosi yi hundzuluka, yi languta Petro; kutani Petro a tsundzuka rito ra Hosi hilaha yi nga n'wi byela hakona, yi ku: “Nkuku wu nga si ringa, u ta va u ndzi landzule kanharhu.”

Luka 24:34

“Hosi yi pfukile eku feni kunene; yi humelele eka Simoni.”

Luka 7:13

Kuteloko Hosi yi n'wi vona, yi n'wi twela vusiwana, yi ku eka yena: “U nga rili.”

Luka 7:20

Vanhu lava kuteloko va fikile eka yena, va ku: “Yohane Mukhuvuri u hi rhumile eka wena, a ku: ‘Xana hi wena la fanekeleke ku ta, kumbe ha ha langutela un'wana?’ ”

Yohane 11:2

Kambe Mariya hi yena loyi a nga tota Hosi hi mafurha lama nun'hwelaka, a n'wi sula milenge hi misisi ya yena; kutani makwavo Lazaro a a vabya.

Yohane 4:1

Kuteloko Hosi yi tiva leswaku Vafarisi va twile vanhu va ku: “Yesu u tlula Yohane hi ku endla vadyondzisiwa,

Yohane 4:25

Wansati a ku eka yena: “Ndza swi tiva leswaku Mesiya, la vuriwaka Kriste, wa ta; loko a tile, u ta hi tivisa timhaka hinkwato.”

Yohane 6:23

Kambe mabyatso man'wana lama humaka eTiberiyo a ma fikile ekusuhi ni laha va nga dyela kona swinkwa, loko Hosi yi khensile.

Yoxuwa 2:1

Yoxuwa, n'wana Nuni, a rhuma vakamberi vambirhi exihundleni, a ri eXitimi, a ku eka vona: “Fambani, mi ya kamba tiko ra Kanana na Yeriko.” Va suka, kutani va ya fika endlwini ya nghwavava, vito ra yena a a ri Rahava, va etlela kona.

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”