Luka 7:16 - Xitsonga (Bibele)

¹⁶ Kutani va khomiwa hinkwavo hi ku chava, va dzunisa Xikwembu, va ku: “Muprofeta lonkulu u humelele exikarhi ka hina, Xikwembu xi endzele tiko ra xona.”

BIBELE Mahungu Lamanene

¹⁶ Hinkwavo va khomiwa hi ku chava, va dzunisa Xikwembu va ku: “Ku humelele muprofeta lonkulu exikarhi ka hina.” Naswona a va ku: “Xikwembu xi endzele tiko ra xona.”

Testamente Leyimpsha Xichangana

¹⁶ Hinkwavu vakhomiwa hi kuchava, vadzunisa Xikwembu vaku: “Kuhumelele muprofeta lwenkulu xikarhi ka hina.” Nasvona avaku: “Xikwembu xiyendzele tiko ra xona.”

Luka 7:16 Iomraidhean Croise

Pisalema 65:9

U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Yeremiya 33:9

Muti lowu eka mina, wu ta va vito ro tsaka, ni tinsimu, ni ku kwetsima emahlweni ka matiko hinkwawo ya misava, lama nga ta twa vunene hinkwabyo lebyi ndzi nga ta va endlela byona; va ta chava, va rhurhumela hikwalaho ka vunene hinkwabyo ni ku tsaka hinkwako leswi ndzi nga ta va endlela swona.

Matewu 15:31

Mitshungu yi hlamala loko va vona lavo fa xifuva va vulavula, ni swilema swi hanyisiwa, ni lavo khwita va famba, ni lavo fa mahlo va vona; kutani va dzunisa Xikwembu xa Israele.

Matewu 21:11

Kutani mitshungu yi ku: “I muprofeta la humaka eNazareta wa Galeliya.”

Matewu 28:8

Kutani va hatlisa va huma esirheni hi ku chava ni ku tsaka lokukulu, va tsutsuma va ya byela vadyondzisiwa va yena.

Matewu 9:8

Vunyingi loko byi vona sweswo, va hlamala, va chava, va dzunisa Xikwembu, hikuva xi nyike vanhu matimba layonghasi.

Luka 1:65

Lava akeke na yena hinkwavo va khomiwa hi ku chava, kutani timhaka leti ti hangalaka hinkwako etintshaveni ta Yudiya.

Luka 1:68

“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Luka 19:44

Va ku mbundzuxela ehansi, wena ni vana va wena lava nga exikarhi ka wena; kambe va nga ka va nga tshiki eka wena, ribye ehenhla ka ribye rin'wana, hikuva a ku tivanga nkarhi lowu u endzeriweke ha wona.”

Luka 2:20

Kutani varisi va tlhela, va ri karhi va dzunisa Xikwembu. Va xi twarisa hikwalaho ka hinkwaswo leswi va swi voneke, ni leswi va swi tweke hilaha va nga byeriwa hakona.

Luka 24:19

A ku eka vona: “Hi tihi xana?” Va ku eka yena: “Ta Yesu wa Nazareta, loyi ngi a ri muprofeta wa matimba, emitirhweni ni le ku vulavuleni, emahlweni ka Xikwembu ni tiko hinkwaro;

Luka 5:26

Kwalaho va hloleriwa hinkwavo, va dzunisa Xikwembu, va tala hi ku chava, va ku: “Namuntlha hi vonile swihlamariso.”

Luka 5:8

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Luka 7:15

Kutani mufi a yima, a sungula ku vulavula, Yesu a n'wi nyika mana wa yena.

Luka 7:39

Mufarisi la nga n'wi vita, kakuloko a vona sweswo, a ehleketa embilwini ya yena, a ku: “Munhu loyi, loko ngi a ri muprofeta, ingi a tivile nsati loyi a n'wi khumbaka, leswaku i mani, ni leswaku i munhu wihi, hikuva i xidyohi.”

Luka 8:37

Kutani vanhu hinkwavo va matlhelo ya tiko ra Vagadara, va khongela Yesu leswaku a suka eka vona, hikuva a va khomiwile hi ku chava lokukulu. Kutani Yesu a nghena ebarikeni, a tlhela.

Luka 9:19

Va hlamula, va ku: “Van'wana va ri: U Yohane Mukhuvuri; van'wana va ri: U Eliya; kambe van'wana va ri: Un'wana wa vaprofeta va khale u pfukile eku feni.”

Yohane 1:21

Kutani va n'wi vutisa, va ku: “U mani-ke? U Eliya xana?” A ku: “A ndzi yena.” “Kumbe u muprofeta xana?” A hlamula, a ku: “E-e.”

Yohane 1:25

Va tlhela va n'wi vutisa, va ku: “Loko u nga ri Kriste, u nga ri Eliya, u nga ri muprofeta, u khuvulela yini-ke?” Yohane a va hlamula, a ku:

Yohane 4:19

Wansati a ku eka yena: “Hosi, ndza swi vona leswaku u muprofeta.

Yohane 6:14

Vanhu valavo, kuteloko va vonile mahlori lama endliweke hi Yesu, va ku: “Kunene loyi, i muprofeta la faneleke ku ta emisaveni.”

Yohane 9:17

Va tlhela va ku eka loyi ingi a file mahlo: “Wena u ri yini ha yena, leswi a nga ku hanyisa mahlo?” A ku: “I muprofeta.”

Timhaka 5:5

Kakuloko Ananiya a twa marito walawo, a wela ehansi, a hlala. Kutani vayingisi hinkwavo, va khomiwa hi ku chava lokukulu.

Timhaka 7:37

Wa ha ri Muxe loyi a nga te eka vana va Israele: ‘Xikwembu xi ta mi humesela muprofeta la fanaka na mina exikarhi ka vamakwenu, n'wi yingiseni.’

Vagalatiya 1:24

Kutani a ti khensa Xikwembu hikwalaho ka mina.

Duteronoma 18:15

“Yehovha, Xikwembu xa wena, u ta ku pfuxela muprofeta kukotisa mina exikarhi ka wena, exikarhi ka vamakwenu; mi ta n'wi yingisa.