Luka 7:12 - Xitsonga (Bibele)

¹² Kakuloko a tshinela ekusuhi ni nyangwa ya muti, maswivo, ku rhwariwa mufi, n'wana a ri swakwe eka mana wa yena la nga noni; vanhu lavo tala va muti a va n'wi landza.

BIBELE Mahungu Lamanene

¹² Loko a fika kusuhi ni nyangwa ya muti, a vona vanhu lava humaka va rhwele mufi, loyi a a ri n'wana yexe eka mana wa yena wa noni, kutani ntshungu lowukulu wa vanhu va muti a wu heleketa manana loyi.

Testamente Leyimpsha Xichangana

¹² Loko afika kusuhi ni nyangwa ya doropa, avona vanhu lavahumaka na varhwalile mufi, lweyi aali n'wana mun'we ka mamana wa yena wa mufelakazi, kutani xitshungu lexotala xa vanhu va doropa axiheleketa mamana lwiya.

Luka 7:12 Iomraidhean Croise

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

2 SAMIELE 14:7

Kutani maxaka ya mina hinkwawo ma pfukele nandza wa wena, ma ku: ‘Hi nyikete la beke makwavo, hi ta n'wi dlayela vutomi bya makwavo loyi a n'wi dlayeke,’ hi ta dlaya ni mudyandzhaka! Va ta tima sweswo kala leri vavamelaka leri ndzi saleleke va nga siyeli nuna wa mina vito ni ndzhaka la emisaveni!”

1 TIHOSI 17:12

Yena a ku: “Yehovha, Xikwembu xa wena, xa hanya! A ndzi na vuswa, ni byitsanana; ndzi ni xandla xa mapa ntsena embiteni, ni mafurhanyana exikutswini, ndzi rhotela tihunyi timbirhi, ndzi muka, ndzi ya swekela n'wananga na mina vuswanyana, kutani kutakuloko hi dyile, hi ta fa.”

1 TIHOSI 17:18

Kavaloko wansati a ku eka Eliya: “Ndzi ni mhaka yihi na wena, wena, munhu wa Xikwembu-ke? Xana u tile eka mina ku ndzi tsundzuxa ku dyoha ka mina, ni ku dlaya n'wana wa mina-ke?”

1 TIHOSI 17:23

Kavaloko Eliya a teka n'wana a n'wi xikisa hi le ndlwini ya le henhla, a n'wi nyika mana wa yena.

1 TIHOSI 17:9

“Pfuka, u ya eSarepta wa Sidoni, u tshama kona: Waswivo, ndzi lerisile noni ku ku phamela kona.”

2 TIHOSI 4:16

Elixa a ku eka yena: “Haxawu, hi nkarhi lowo, u ta ntswontswa n'wana.” Yena a ku: “E-e, hosi yanga, u nga hembeli nandza wa wena!”

2 TIHOSI 4:20

A n'wi tlakula a n'wi yisa eka mana wa yena; n'wana a tshama a ri emindzhumbini ya mana wa yena ku fika nhlekanhi, kutani a fa.

Ntirho 29:13

A ndzi katekisiwa hi loyi a lavaka ku fa, Ndzi nghenisa ku tsaka embilwini ya wansati wa noni.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Luka 7:11

Hi siku leri tlhandlamaka, Yesu a endzela emutini lowu va nge i Nayini. Vadyondzisiwa va yena lavo talanyana ni ntshungu lowukulu va famba na yena.

Luka 7:13

Kuteloko Hosi yi n'wi vona, yi n'wi twela vusiwana, yi ku eka yena: “U nga rili.”

Luka 8:42

hikuva a a ri ni wanhwanyana a ri un'we, loyi malembe ya yena ma lavaka ku endla khume na mambirhi, a lava ku fa.

Luka 8:52

Kambe a va rila hinkwavo, va n'wi rilela; kutani Yesu a ku: “Mi nga rili a nga fangi, u etlele.”

Yohane 11:19

Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini leyi nga ehenhla; kutani vavasati va tinoni hinkwavo va ta eka yena, va ri karhi va rila, va n'wi komba mikhancu ni tinguvu leti Dorkasi a nga va rhungela tona loko a ha ri na vona.

Timhaka 9:41

Kambe Petro a n'wi khoma hi voko, a n'wi yimisa; kuteloko a vitanile vakwetsimi ni tinoni, a va nyika yena a hanyile.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.