Luka 4:22 - Xitsonga (Bibele)

²² Kutani hinkwavo va n'wi yimela, va ri karhi va hlamala hi marito lamanene lama humaka enon'wini wa yena, va ku: “Xana loyi a hi n'wana Yosefa xana?”

BIBELE Mahungu Lamanene

²² Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”

Testamente Leyimpsha Xichangana

²² Kutani hinkwavu vavula vumboni ha yena, na vali karhi vahlamala marito lawa yosaseka lamahumaka non'weni wa yena, vaku: “Xana munhu lweyi ahi yena n'wana Yosefa ke?”

Luka 4:22 Iomraidhean Croise

Pisalema 45:2

U tlula hi ku saseka vana va vanhu, Tintswalo ti halakile emilon'wini ya wena; Hikwalaho Xikwembu xi ku katekiseke hi laha ku nga heriki.

Pisalema 45:4

Khandziya golonyi ya wena u ya hlula, U ya lwela ntiyiso, ni ku lulama, ni musa. Voko ra wena ra xinene ri ta ku dyondzisa mitirho leyi chavisaka.

Swivuriso 10:32

Milomu ya lavo lulama yi tiva leswi tsakisaka, Kambe milomu ya lava nga lulamangiki yi tiva ku homboloka ntsena.

Swivuriso 16:21

Wa mbilu yo tlhariha u vuriwa la twisisaka, Nomu wa yena wa nandziha, wu tatisa ku tiva.

Swivuriso 25:11

Marito lama vulavuriweke hi nkarhi Ma kotisa malamula ya nsuku entewaneni wa silivhere.

Eklesiasta 10:12

Marito lama humaka enon'wini wa lowo tlhariha ma tsakisa, kambe milomu ya xihunguki yi ta xi lovisa.

Risimu ra Tinsimu 5:16

Murhandziwa wanga u tano, munghana wa mina u tano, N'wina, vanhwanyana va Yerusalema.

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Luka 2:47

kutani hinkwavo lava n'wi yingiseke va hlamala hi ku tlhariha ka yena, ni ku hlamula ka yena.

Luka 2:48

Kakuloko va n'wi vona, va hlamala ngopfu. Mana wa yena a ku eka yena: “N'wananga, u hi endlele yini leswo tano waswivo, a hi ku lava, tata wa wena na mina, hi ri ekhombyeni ngopfu?”

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Luka 4:21

Kavaloko a sungula ku va byela, a ku: “Namuntlha, rito leri ri hetisekile etindleveni ta n'wina.”

Yohane 1:45

Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Yohane 6:42

Kutani va ku: “Xana loyi a hi Yesu, n'wana wa Yosefa, loyi hi tivaka tata wa yena ni mana wa yena xana? Kutani u vurisa ku yini, leswaku: ‘Ndzi xikile hi le tilweni’?”

Yohane 7:46

Malandza ma hlamula, ma ku: “A hi si vona munhu la vulavulaka kukotisa munhu loyi, ni siku ni rin'we.”

Timhaka 6:10

Kambe va hluleka ku lwa ni vutlhari bya yena ni moya lowu a nga vulavula ha wona.

Tito 2:8

marito ya wena a ma ve lama hanyisaka, lama nga solekiki, leswaku la kanetaka a va ni tingana hi ku pfumala leswo biha leswi a nga mi vulaka ha swona.