Luka 3:5 - Xitsonga (Bibele)

⁵ Mikova yi ta gandleteriwa, ni tintshava hinkwato ni switsunga swi ta hindzimuxiwa; leswi hombolokeke swi ta lulamisiwa ni tindlela ta mikovakova ti ta khuleriwa;

BIBELE Mahungu Lamanene

⁵ Minkova hinkwayo yi ta gandleteriwa, tintshava hinkwato ni switsunga hinkwaswo swi ta hindzimuxiwa; leswi gombonyokeke swi ta lulamisiwa, ni tindlela to biha ti ta khuleriwa,

Testamente Leyimpsha Xichangana

⁵ Minkova hinkwayu yitaseleteliwa, tintshava ni svitsunga hinkwasvu svitahirimuxiwa; lesvigombonyokeke svitalulamisiwa, ni tindlela letinga ni minkova ni maganga titakhuleliwa,

Luka 3:5 Iomraidhean Croise

Esaya 40:4

Nkova wun'wana ni wun'wana wu ta seleteriwa, ntshava yin'wana ni yin'wana ni xitsunga xin'wana ni xin'wana swi ta mbundzumuxiwa. Xitsunga xi ta hundzuka rivala, kutani tintshava ti ta hundzuka mikova.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Esaya 45:2

Hi mina ndzi nga ta famba emahlweni ka wena, ndzi ta mbundzumuxa switsunga; ndzi ta tshova tinyangwa ta nsuku, ndzi wisa timhandze ta nsimbhi;

Esaya 49:11

Ndzi ta endla hi tintshava ta mina hinkwato magondzo, kutani tindlela ta mina ti ta pfuxiwa.

Ezekiele 17:24

Kutani mirhi hinkwayo ya nhova yi ta tiva leswaku mina Yehovha ndzi tsongahatile murhi lowu tlakukeke, ndzi tlakusile murhi lowutsongo. Ndzi omisile matluka ya murhi wa rihlaza, ndzi va ndzi mirisa murhi lowu omeke. Mina Yehovha ndzi swi vurile, ndzi swi endlile.”

Yakobo 1:9

Mupfumeri wa xisiwana a a tidzunise evukulwini bya yena,