Luka 21:8 - Xitsonga (Bibele)

⁸ Kutani a ku: “Tivoneni leswaku mi nga tshuki mi xisiwa, hikuva lavo tala va ta ta hi vito ra mina, un'wana ni un'wana a ku: ‘Hi mina Kriste; nkarhi wu kusuhi,’ kambe mi nga va landzi.

BIBELE Mahungu Lamanene

⁸ Kutani Yesu a ku: “Tivoneleni leswaku mi nga xisiwi, hikuva lavo tala va ta ta hi vito ra mina, un'wana ni un'wana a ku: ‘Mina ndzi yena’, ni leswaku ‘nkarhi wu fikile’! Mi nga va landzi!

Testamente Leyimpsha Xichangana

⁸ Kutani Yesu aku: “Tivoneleni lesvaku mingakangayisiwi, hikuva lavotala vatata hi vito ra mina, mun'wana ni mun'wana aku: ‘Mina ni yena’ ni lesvaku ‘nkarhi wufikile’! Mingavalandzeni!

Luka 21:8 Iomraidhean Croise

Yeremiya 29:8

“Hikuva ku vula Yehovha wa mavandla, Xikwembu xa Israele, a ku: Mi nga tshuki mi kanganyisiwa hi vaprofeta va n'wina lava nga exikarhi ka n'wina, ni vangoma va n'wina, mi nga tshuki mi yingisela valorhi va n'wina lava mi lavaka milorho eka vona;

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

Matewu 3:2

“Hundzukani, hikuva ku fuma ka matilo ku tshinele.”

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

Luka 17:23

Va ta ku eka n'wina: ‘Vonani, u kona halenu,’ kumbe: ‘Vonani, u lahaya,’ kambe mi nga tshuki mi ya kona, mi nga tshuki mi va landza.

Luka 21:7

Kutani va n'wi vutisa, va ku: “Mufundhisi, timhaka leti, ti ta tumbuluka rini? Ni xikombiso xi ta va xihi, leswaku timhaka leti hinkwato ti lava ku humelela?”

Luka 21:9

Siku mi twaka tinyimpi ni madzolonga, mi nga tshuki mi chava, hikuva swilo leswo swi fanele ku humelela eku sunguleni, kambe makumu ma nga ka ma nga hatli ku fika.”

Yohane 5:43

Ndzi tile hi vito ra Tatana, kutani a mi ndzi amukeri; kungakuloko un'wana a ta hi vito ra yena, mi ta n'wi amukela.

Yohane 8:24

Hikwalaho ndzi mi byerile, ndzi ku: Mi ta fela eku dyoheni ka n'wina. Kungakuloko mi nga pfumeri leswaku hi mina loyi, mi ta fela eswidyohweni swa n'wina.”

Yohane 8:28

Yesu a ku eka vona: “Kutakuloko mi tlakusile N'wana wa Munhu, hi kona mi nga ta tiva leswaku ndzi mani, ni leswaku a ndzi endli nchumu ndzi ri swanga, kambe ndzi vulavula timhaka teto hilaha Tatana a ndzi dyondziseke hakona.

1 Vakorinto 6:9

Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

2 Vatesalonika 2:3

mi nga tshuki mi xisiwa niswitsongo hi munhu, hikuva swi fanele leswaku ku tlhelela endzhaku ku va kona eku sunguleni, ni ku humelela ka munhu wa xidyoho, n'wana wa ku lahleka,

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

2 Yohane 1:7

Hikuva vaxisi lavo tala va tile emisaveni, lava landzulaka leswaku Yesu Kriste u tile hi nyama; la vulaka sweswo, hi yena muxisi ni Antikriste.

Nhlavutelo 1:3

Ku katekile la hlayaka ni lava yingisaka timhaka ta vuprofeta lebyi, lava hlayisaka leswi tsariweke kona, hikuva nkarhi wu kusuhi.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.