Luka 21:25 - Xitsonga (Bibele)

²⁵ “Masingita ma ta va kona edyambyini, ni le n'wetini, ni le tinyeletini, ni la emisaveni, vamatiko va ta xaniseka, va kanakana hikwalaho ka ku pfuma ka lwandle ni magandlati.

BIBELE Mahungu Lamanene

²⁵ “Masingita ma ta va kona edyambyini, ni le n'wetini, ni le tinyeletini. Laha misaveni, matiko ma ta hela ntamu, ma tshukisiwa hi ku pfuma ka lwandle ni ka magandlati.

Testamente Leyimpsha Xichangana

²⁵ “Masingita matava kona ka jambu ni n'weti, ni le tinyeletini. Laha misaveni, vahanyi vamatiko vataxaniseka, vakanganyiseka, vatshukisiwa hi kuduma ka lwandle ni ka magandlati ya rona.

Luka 21:25 Iomraidhean Croise

Pisalema 46:3

Hambi magandlati ya wona ma pfuma, ma endla boboma, Hambi tintshava ti rhurhumela hikwalaho ka ku tlakuka ka wona.

Esaya 13:10

Hikuva tinyeleti ta tilo, Gongomela na Mahlahle, a ti nga ha voningi; dyambu rona ri ta endla ntima loko ri tsuvuka, na wona n'weti wu nga ka wu nga voningi.

Esaya 17:12

Yo! Mpfumawulo wa matiko layo tala! Wa pfuma tanihi lwandle! Yo! Pongo ra matiko! Ma pfuma tanihi mati lamakulu.

Esaya 24:23

Kutani n'weti wu ta tshwuka hi tingana, dyambu rona ri ta endla ntima, hikuva Yehovha wa tinyimpi u ta fuma entshaveni ya Siyoni ni le Yerusalema, kutani vakulukumba va yena va ta vona ku vonakala ka yena.

Esaya 5:30

Siku rero ku ta dzuma ehenhla ka Yuda tanihi loko ku dzuma lwandle, kambe loko ku langutiwa emisaveni ku ta voniwa munyama wa mahlomulo, ku vonakala ku ta siveriwa hi munyama!

Esaya 51:15

Mina Yehovha, ndzi Xikwembu xa wena, lexi tlakusaka lwandle, magandlati ya rona ma boboma; Yehovha wa tinyimpi i vito ra yena.

Yeremiya 4:23

Ndzi languta misava, kutani vonani, yi onhakile; na wona matilo ma pfumala ku vonakala ka wona.

Daniele 12:1

“Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Mikiya 7:4

La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

Matewu 24:29

“Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Matewu 27:45

Hi nkarhi wa ntlhanu na wun'we, munyama wu va kona emisaveni hinkwayo ku fikela nkarhi wa ntlhanu na mune.

Marka 13:24

“Kambe emikarhini leyo, endzhaku ka nhlomulo wolowo, dyambu ri ta endla ntima, n'weti wu ta pfumala ku vonakala,

Marka 13:26

Hilaha va nga ta vona N'wana wa Munhu a ta hi mapapa, hi matimba lamakulu ni ku kwetsima.

Marka 15:33

Kuteloko ku fikile nkarhi wa ntlhanu na wun'we, munyama wu va kona emisaveni hinkwayo, ku fikela nkarhi wa ntlhanu na mune.

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Luka 21:26

Vanhu va ta hela matimba hi ku chava, ni ku langutela leswi nga ta tala emisaveni, hikuva matimba ya matilo ma ta tsekatseka.

Timhaka 2:19

Ndzi ta endla masingita ehenhla etilweni, ni swikombiso ehansi emisaveni, ngati, ni ndzilo, ni hunguva ya musi.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.