Luka 21:22 - Xitsonga (Bibele)

²² Hikuva masiku walawo, i masiku ya ku rihisa, leswaku hinkwaswo leswi tsariweke swi hetiseka.

BIBELE Mahungu Lamanene

²² Masiku walawo ma ta va masiku ya ku avanyisiwa, leswaku hinkwaswo leswi nga matsalweni swi hetiseka.

Testamente Leyimpsha Xichangana

²² Masiku wolawo matava masiku ya kukhatisa, lesvaku hinkwasvu lesvinga matsalweni svihetiseka.

Luka 21:22 Iomraidhean Croise

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

2 Petro 3:7

Kambe matilo ni misava ya sweswi, swi hlayiseriwa ndzilo hi rito rolero, swi londzovotiwa ku ya fika siku ra ku avanyisa, ni ra ku lova ka vanhu lava nga chaviki Xikwembu.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Esaya 34:8

Hikuva Yehovha u vekile siku ro rihisa ni lembe ro rihisa, leri a nga ta rihisa Siyoni ha rona.

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Matewu 1:22

Leswo hinkwaswo swi humelele leswaku ku endleka leswi Hosi yi nga swi vula hi muprofeta la nga te:

Yeremiya 51:6

Tsutsumani eBabilona, kutani un'wana ni un'wana a ponisa vutomi bya yena, leswaku mi nga lahleki hi ku homboloka ka yena, hikuva nkarhi wa ku rihisa ka Yehovha hi wona wolowo, u ta n'wi tlherisela hakelo.

Esaya 61:2

ni ku vula lembe lerinene ra Yehovha, ni siku ra ku tirihisela ka Xikwembu xa hina ku chavelela hinkwavo lava vavisekaka;

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Duteronoma 32:43

“N'wina matiko, yimbelelani hi ku tsaka kun'we ni tiko ra xona, Hikuva Xikwembu xi rihisela ngati ya malandza ya xona, Xi ta tirihisela ehenhla ka valala va xona Xi phahlela misava ya xona, ni tiko ra xona mhamba.”

Duteronoma 32:34

“Xana timhaka leti a ti hlayisiwanga ka mina, A ti vekiwangi exumeni xa mina xana?