Luka 20:7 - Xitsonga (Bibele)

⁷ Kutani va hlamula, va ku: “A hi tivi laha ku humaka kona.”

BIBELE Mahungu Lamanene

⁷ Kutani va hlamula va ku: “A hi tivi laha a wu huma kona.”

Testamente Leyimpsha Xichangana

⁷ Kutani vahlamula vaku: “Ahitivi laha akuhuma kona.”

Luka 20:7 Iomraidhean Croise

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Esaya 41:28

Ndza tshama ndzi languta; kutani a ku na munhu, a ku na munhu exikarhi ka vona la bvumbhaka, la kotaka ku hlamula loko ndzi n'wi vutisa.

Esaya 44:18

A va tivi nchumu, a va na ku twa, hikuva mahlo ya vona ma siveriwe hileswaku va nga voni nchumu, ni timbilu, leswaku ti nga twi nchumu.

Zakariya 11:15

Yehovha a ku eka mina: “U engeta u titekela leswi nga swa murisi wa swahava!

Zakariya 11:17

“U ni khombo murisi wa swahava, la tshikaka ntlhambi! Fumu ri ta ba voko ra yena, ri ta omelela kunene, tihlo ra yena ra xinene ri ta fa.”

Luka 20:6

Kutani loko hi ku: ‘Ku hume eka vanhu,’ tiko hinkwaro ri ta hi khandla hi maribye, hikuva hinkwavo va kholwa ngopfu leswaku Yohane a a ri muprofeta.”

Luka 20:8

Kwalaho Yesu a ku eka vona: “Na mina a ndzi nga mi byeri matimba lawa ndzi endlaka swilo leswi ha wona.”

Yohane 9:39

Yesu a ku: “Ndzi tile emisaveni leyi, ku avanyisa, leswaku lava nga voniki va vona; ni leswaku lava vonaka, va hundzuka lavo fa mahlo.”

2 Petro 3:3

mi va mi rhanga hi ku tiva mhaka leyi, leswaku hi mikarhi ya makumu, vasori va ta ta hi ku vungunya, va famba hi ku navela ka vona,