Luka 20:10 - Xitsonga (Bibele)

¹⁰ Hi nkarhi wa ku tshovela, a rhuma nandza wa yena eka varimi leswaku va n'wi nyika mihandzu ya vhinya. Kambe varimi va n'wi ba, va n'wi tlherisa va nga n'wi nyikanga nchumu.

BIBELE Mahungu Lamanene

¹⁰ Hi nguva ya kona, a rhuma nandza eka vatirhi, leswaku va n'wi nyika mihandzu yin'wana ya vhinya. Kambe vatirhi va n'wi ba, va n'wi tlherisa a nga ri na nchumu.

Testamente Leyimpsha Xichangana

¹⁰ Hi nguva yakona, arhuma mutirhi ka varimi, lesvaku vayamunyika mihandzu ya mvhinya. Kambe varimi vamuba, vamutlhelisa na angali na nchumu.

Luka 20:10 Iomraidhean Croise

1 TIHOSI 22:24

Kavaloko Sedekiyasi, n'wana Kenana, a tshinelela Mikaya a n'wi phakata rhama, a ku: “Xana moya wa Yehovha wu humise ku yini eka mina wu vulavula na wena-ke?”

2 TIHOSI 17:13

Yehovha u byerile Israele na Yuda hi vaprofeta hinkwavo va yena, ni vavoni hinkwavo, a ku: “Tlhelani etindleleni leto biha ta n'wina, mi hlayisa ku lerisa ka mina ni milawu ya mina, hilaha ndzi nyikeke vatata wa n'wina nawu hinkwawo, hilaha ndzi mi rhumeleke wona hi malandza ya mina vaprofeta.”

1 TIKRONIKA 19:4

Kavaloko Hanunu a khoma malandza ya Davhida a ma byewula, a tsema tinguvu ta vona hi le xikarhi ku fika eswifungheni, kutani a va tlherisa.

2 TIKRONIKA 16:10

Kavaloko Asa a karihela muvoni, a n'wi nghenisa ekhotsweni, hikuva a a n'wi karihele emhakeni leyi. Enkarhini wolowo Asa a xanisa van'wana va tiko.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Yeremiya 20:2

kavaloko Paxahuru a ba muprofeta Yeremiya, kutani a n'wi nghenisa ekhotsweni ra le nyangweni leyi tlakukeke ya Benjamini, endlwini ya Yehovha.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Luka 20:11

A engeta a rhuma nandza un'wana; na yena, va n'wi ba, va n'wi khomisa tingana, kutani va n'wi tlherisa ntsena.

Luka 20:9

Kutani a sungula ku byela vanhu xifaniso lexi, a ku: “Munhu un'wana a a byarile nsimu ya vhinya, kutani a yi hirisela varimi, kavaloko a ya eku endzeni hi nkarhi lowukulwanyana.

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Varhoma 7:4

Hi mukhuva wolowo, na n'wina vamakwerhu, mi fisiwile hitlhelo ra nawu hi miri wa Kriste, leswaku mi va eka un'wana, a nga loyi a pfukeke eku feni, leswaku hi vekela Xikwembu mihandzu.