Luka 2:10 - Xitsonga (Bibele)

¹⁰ Ntsumi yi ku eka vona: “Mi nga chavi, vonani, ndzi mi byela ku tsaka lokukulu, loku nga ta va eka tiko hinkwaro;

BIBELE Mahungu Lamanene

¹⁰ Ntsumi yi ku ka vona: “Mi nga chavi! Vonani, ndzi mi tivisa mahungu lamanene lama nga ta tsakisa tiko hinkwaro swinene;

Testamente Leyimpsha Xichangana

¹⁰ Ntsumi yiku ka vona: “Mingachaveni! Vonani, nimitivisa mahungu lamanene lawa mangatatsakisa svinene tiko hinkwaru;

Luka 2:10 Iomraidhean Croise

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Esaya 40:9

Tlhandlukelani entshaveni leyo leha, n'wina lami tiselaka Siyoni mhaka leyo nandziha; tlakusani rito hi matimba, n'wina la mi tiselaka Yerusalema, mhaka leyo nandziha; ri tlakuseni, mi nga chaveni; byelani miti ya Yuda, mi ku: “Hi xona Xikwembu xa n'wina!”

Esaya 41:27

Hi mina lowo rhanga la byeleke Siyoni, ndzi ku: ‘Hi volavo, hi volavo!’ Ndzi rhumela eYerusalema, ntsumi ya timhaka to nandziha!

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Esaya 52:10

Yehovha u funungurile voko ra yena leri hlawuriweke emahlweni ka matiko hinkwawo, kutani makumu hinkwawo ya misava ma ta vona ku hlayiseka ka Xikwembu xa hina.

Esaya 52:7

Yi sasekile swonghasi etintshaveni, milenge ya loyi a tisaka timhaka to nandziha, la vulavulaka swo rhula, ya loyi a tisaka timhaka leti tsakisaka, loyi a vulaka swa vutomi, loyi a byelaka Siyoni, a ku: “Xikwembu xa wena xa fuma!”

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Daniele 10:19

a ku: “U nga chavi, wanuna la rhandziwaka, ku rhula a ku ve na wena, tiya mbilu, kunene tiya mbilu!” A ko a ha vulavula na mina, ndzo twa leswaku ndzi nyikiwe matimba, kutani ndzi ku: “Hosi yanga a yi vulavule, hikuva u ndzi hile matimba.”

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Matewu 14:27

Kambe Yesu a hatlisa a vulavula na vona, a ku: “Tiyisani timbilu, hi mina, mi nga chaveni.”

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Matewu 28:5

Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

Marka 1:15

“Mikarhi yi hetisekile, ku fuma ka Xikwembu ku tshinerile; hundzukani mi pfumela Evhangeli.”

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

Luka 1:13

Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Luka 1:19

Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.

Luka 1:30

Kutani ntsumi yi ku eka yena: “Mariya, u nga chavi; hikuva u kumile tintswalo eka Xikwembu.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Luka 8:1

Endzhaku ka swona, Yesu a famba hi miti ni swimitana a ri karhi a dyondzisa, a vula Evhangeli ya ku fuma ka Xikwembu; na vona lava khume na vambirhi a va ri na yena,

Timhaka 13:32

“Na hina, ha mi tivisa Evhangeli ya xitshembiso lexi vatata va hina va tshembisiweke xona; hikuva Xikwembu xi xi hetisele eka hina,

Varhoma 10:15

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.