Luka 19:44 - Xitsonga (Bibele)

⁴⁴ Va ku mbundzuxela ehansi, wena ni vana va wena lava nga exikarhi ka wena; kambe va nga ka va nga tshiki eka wena, ribye ehenhla ka ribye rin'wana, hikuva a ku tivanga nkarhi lowu u endzeriweke ha wona.”

BIBELE Mahungu Lamanene

⁴⁴ va ta ku hirimuxela hansi, va herisa ni lava akeke ka wena; kutani valala va nga ka va nga tshiki ribye ehenhla ka ribye laha ka wena, hikuva a wu tivanga nkarhi lowu u endzeriweke ha wona.”

Testamente Leyimpsha Xichangana

⁴⁴ vatakuhahlula, vahelisa ni lava vayakeke ka wena; kutani valala vangakala vangatshiki ribze henhla ka ribze laha ka wena, hikuva awutivanga nkarhi lowu uyendzeliweke ha wona.”

Luka 19:44 Iomraidhean Croise

Pisalema 137:9

Ku katekile munhu la nga ta khoma swihlangi swa wena, A swi pyanyela emaribyeni!

Esaya 10:3

Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

Esaya 29:3

Ndzi ta ku etlelela hi matlhelo hinkwawo, ndzi ku rhendzela hi mavandla, ndzi ku akela makhokholo.

Yeremiya 11:23

Ku nga ka ku nga phonyoki na un'we wa vona, hikuva ndzi ta vangela vanhu va Anatoto khombo hi lembe ra ku biwa ka vona.’ ”

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Matewu 24:2

Kambe Yesu a ku: “A mi swi voni leswi hinkwaswo xana? Kunene ndzi ri eka n'wina: Ku nga ka ku nga tshikiwi ribye ehenhla ka ribye rin'wana leri nga taka ri nga mbundzuxiwi.”

Marka 13:2

Yesu a hlamula, a ku eka yena: “Xana wa languta tindlu letikulu leti-ke? A ku nga tshikiwi ribye ehenhla ka ribye rin'wana le ri nga ta tshama ri nga mbundzuxiwi.”

Luka 1:68

“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Luka 1:78

hikwalaho ka tintswalo letikulu ta Xikwembu hi dyambu ra vuxa,

Luka 19:42

“Yo! Loko ngi na wena u ti tivile hi siku leri ra wena, timhaka leti ta ku rhula ka wena! Kambe sweswi, ti fihleriwe mahlo ya wena.

Luka 21:6

“Loko xi ri lexi mi xi langutaka, ku ta ta masiku lawa ku nga ta ka ku nga tshikiwi ribye ni rin'we, ehenhla ka ribye rin'wana leri nga mbundzuxiwangiki.”

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.