Luka 12:7 - Xitsonga (Bibele)

⁷ Swi tsandza ni misisi ya tinhloko ta n'wina, yi hlayiwile hinkwayo. Mi nga chavi nchumu, mi tlula swinyanyana leswo tala.

BIBELE Mahungu Lamanene

⁷ Hambi yi ri misisi ya tinhloko ta n'wina yi hlayiwile hinkwayo. Mi nga chaveni, mi tlula swindzingiri leswo tala hi nkoka.

Testamente Leyimpsha Xichangana

⁷ Hambi yili misisi ya tinhloko ta n'wina yihlayiwile hinkwayu. Mingachaveni, mitlula svindzingiri lesvotala hi risima.

Luka 12:7 Iomraidhean Croise

2 SAMIELE 14:11

Wansati a ku: “Hosi a yi anakanye Yehovha, Xikwembu xa wena, leswaku mukutsuri wa ngati a nga tshuki a engetela khombo leri, va nga dlayi n'wana wa mina.” Hosi yi hlamula yi ku: “Yehovha wa hanya! Ku nga ka ku nga wi hansi ni nsisi wun'we wa n'wana wa wena!”

Ntirho 35:11

Xi hi nyikile ku twisisa loku tlulaka ka swiharhi, Ni vutlhari lebyi tlulaka bya tinyanyana ta le tilweni.’

Pisalema 8:6

U n'wi fumisile mitirho ya mavoko ya wena; U vekile hinkwaswo ehansi ka mikondzo ya yena,

Matewu 12:12

Kasi munhu a nga tluri ngopfu nyimpfu xana? Hikwalaho swi lulamile ku endla swinene hi siku ra Savata.”

Matewu 6:26

“Langutani tinyanyana ta le tilweni: A ti byari, a ti tshoveri, a ti hlengeleti nchumu eswitlatini; kasi tata wa n'wina la nga ematilweni wa ti fihluta; a ndzi ku, n'wina a mi ti tluri ngopfu xana?

Luka 21:18

Kambe nsisi ni wun'we wa tinhloko ta n'wina, wu nga ka wu nga lovi.

Timhaka 27:34

Ndza mi khongotela leswaku mi dya swakudya; hi swona leswi mi fanekelaka leswaku mi hanya; hikuva a ku na un'we eka n'wina la nga ta lahlekeriwa hi nsisi, hambi wu ri wun'we, wa nhloko ya yena.”

1 SAMIELE 14:45

Kambe tiko ri ku eka Sawulo: “Yonatani u ta fa xana, yena la nga ponisa Israele swonghasi-ke? A hi swona! Yehovha wa hanya: ku nga ka ku nga wi ehansi nsisi ni wun'we enhlokweni ya yena, hikuva u tirhile na Xikwembu namuntlha!” Sweswo tiko ri kutsula Yonatani, kutani a nga fanga.