Luka 12:2 - Xitsonga (Bibele)

² hikuva a ku na xilo lexi funengetiweke, lexi nga taka xi nga fununguriwi, ni loko xi ri xilo xa xihundla lexi nga taka xi nga tiviwi.

BIBELE Mahungu Lamanene

² hikuva a ku na xilo lexi funengetiweke, lexi nga ta ka xi nga fununguriwi, ni xilo xa xihundla, lexi nga ta ka xi nga tiviwi.

Testamente Leyimpsha Xichangana

² hikuva aku na xilo lexifunengetiweke, lexingatakala xingafununguliwi, ni xilo xa xihundla, lexingatakala xingativiwi.

Luka 12:2 Iomraidhean Croise

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

Yeremiya 16:17

Hikuva mahlo ya mina ma languta tindlela hinkwato ta vona leti nga tumbelangiki emahlweni ka mina, ni ku homboloka ka vona loku nga funengetiwangiki emahlweni ka mina.

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Marka 4:22

Hikuva a ku na xilo lexi nga exihundleni, lexi nga tiki vonakarisiwa; kambe a ku na xilo lexi fihliweke lexi nga tiki taka eku vonakaleni.

Luka 8:17

Hikuva a ku na xilo lexi nga exihundleni, lexi nga tiki tiviwa ni ku humelela erivaleni.

Varhoma 2:16

swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.