Luka 11:4 - Xitsonga (Bibele)

⁴ Hi rivalele milandzu ya hina, hikuva na hina hi rivalela hinkwavo lava hi dyoheleke: U nga hi yisi emiringweni.’ ”

BIBELE Mahungu Lamanene

⁴ hi rivalele swidyoho swa hina, hikuva na hina hi rivalela mani na mani la nga ni nandzu eka hina; u nga hi yisi emiringweni.’ ”

Testamente Leyimpsha Xichangana

⁴ hirivalele svijoho sva hina, hikuva na hina hirivalela mani na mani lweyi anga ni nandzu ka hina; ungahiyisi miringweni.’”

Luka 11:4 Iomraidhean Croise

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

1 TIHOSI 8:34

Wena, yingisa u ri ematilweni, u rivalela tiko ra wena ra Israele xidyoho xa rona, u va tlherisela emisaveni leyi u yi nyikeke vatata wa vona!

1 TIHOSI 8:36

Wena, yingisa u ri ematilweni, u rivalela malandza ya wena ni tiko ra wena ra Israele xidyoho xa vona, u va dyondzisa ndlela leyinene leyi va fanelaka ku famba ha yona, kutani u rhuma mpfula emisaveni leyi u yi nyikeke tiko ra wena ku va ndzhaka ya rona.

Pisalema 121:7

Yehovha u ta ku sirhela eku biheni hinkwako, U ta hlayisa moya wa wena.

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

Pisalema 25:18

Languta nhlomulo ni ku vaviseka ka mina, U va u ndzi khomela ku dyoha hinkwako ka mina.

Daniele 9:19

Hosi, wa nga yingisa! Hosi, u rivalela Hosi, yingisa, u tirha u nga hlweri, hikwalaho ka wena, Xikwembu xa mina, hikuva i vito ra wena, muti wa wena, ni tiko ra wena va thyiweke hi rona!”

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Matewu 18:35

Mi ta endlisiwa sweswo hi Tatana wa le tilweni, loko un'wana ni un'wana wa n'wina a nga rivaleli makwavo ku dyoha ka yena hi mbilu hinkwayo ya yena.”

Matewu 26:41

Hitekani, mi khongela mi nga ti nghena eku ringiweni, hikuva moya wu ni mapfundzu, kambe nyama yi tsanile.”

Luka 11:5

Kutani a ku eka vona: “Kungakuloko un'wana eka n'wina a ri ni nakulobye, kutani a ya eka yena nivusiku lebyikulu a ku eka yena:

Luka 13:4

Hambi va ri vanhu va khume na ntlhanu na vanharhu, volavo xihondzo xa Silowama xi va weleke ehenhla, xi va dlaya; xana mi ehleketa leswaku a va ri ni nandzu ku tlurisa vaaki hinkwavo va Yerusalema, xana?

Luka 22:46

Kutani a ku eka vona: “Xana mi etlelele yini? Pfukani, mi khongela, leswaku mi nga ngheni emiringweni.”

Luka 8:13

Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

Yohane 17:15

A ndzi ku khongeri leswaku u va susa emisaveni, kambe swi ri leswaku u va sirhelela eka leswo biha.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

Vakolosa 3:13

yingiselanani mi rivalelana, loko un'wana a ri ni mholovo ni un'wana; kukota Kriste a mi tweleke vusiwana, endlisani sweswo na n'wina.

2 Vatesalonika 3:3

Kambe Hosi ya tshembeka, hi yona leyi nga ta mi tiyisa ni ku mi sirhelela eka lowo biha.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

Nhlavutelo 3:10

Leswi u hlayiseke Rito ra ku tiyisela ka mina, na mina ndzi ta ku hlayisa enkarhini wa ndzingo lowu nga ta humelela emisaveni hinkwayo ku ta ringa lava akeke emisaveni.