Luka 10:1 - Xitsonga (Bibele)

¹ Endzhaku ka sweswo, Hosi yi tlhela yi veka van'wana va ntlhanu wa makume na makume mambirhi, kutani yi va rhuma havambirhi leswaku va n'wi rhangela emahlweni, emitini hinkwayo ni matlhelo hinkwawo laha a nga ta famba kona.

BIBELE Mahungu Lamanene

¹ Endzhaku ka sweswo Hosi yi veka van'wana va 72 yi va rhuma ha vambirhi-mbirhi, leswaku va yi rhangela emahlweni, emitini hinkwayo ni hinkwako lomu yi anakanyaka ku hundza hi kona.

Testamente Leyimpsha Xichangana

¹ Ndzhaku ka svosvo Hosi yitlhela yirhuma van'wana va ntlhanu wa makume ni makume mambirhi ni vambirhi (72) yivarhuma ha vambirhi-mbirhi, lesvaku varhangela mahlweni, madoropeni hinkwayu ni hinkwaku lomu yiyanakanyaka kuhundza hi kona.

Luka 10:1 Iomraidhean Croise

Ezekiele 8:11

A ku yimile emahlweni ka swona vavanuna va 70 va ri vakulukumba va yindlu ya Israele; exikarhi ka vona a ku yimile Yaazaniya, n'wana Xafani, va yimile emahlweni ka swona un'wana ni un'wana a tamele mbita ya yena ya mirhi ya risuna, kutani musi wa mirhi ya risuna wu tlhandluka.

Tinhlayo 11:16

Kutani Yehovha a ku eka Muxe: “Ndzi hlengeletele vavanuna va 70, vakulukumba va Israele, lava u va tivaka leswaku vakulu va tiko, ni vanhu lava vulavulaka timhaka; u va tisa etabernakeleni ya nhlengeletano va ta yima kona na wena.

Luka 1:17

kutani u ta n'wi rhangela emahlweni hi moya ni matimba ya Eliya, u ta vuyisela timbilu ta vatatana eka vana va vona, ni vakaneti evutlharini bya lavo lulama, ku lunghisela Hosi tiko leri nga ni mafundza.”

Luka 1:76

Na wena, xihlangi, u ta vuriwa muprofeta wa La nge henhlahenhla; hikuva u ta rhangela Hosi emahlweni, ku lunghisa tindlela ta yena,

Luka 7:13

Kuteloko Hosi yi n'wi vona, yi n'wi twela vusiwana, yi ku eka yena: “U nga rili.”

Luka 7:19

Kutani Yohane a vita vadyondzisiwa va yena vambirhi, a va rhuma eka Yesu, a ku: “Xana hi wena la fanekeleke ku ta, kumbe ha ha langutela un'wana?”

Luka 9:52

Kutani a rhuma tintsumi leswaku ti n'wi rhangela emahlweni; kutani va suka, va nghena emutini wa Vasamariya ku n'wi lunghisela kona.