Luka 1:51 - Xitsonga (Bibele)

⁵¹ U tirhile hi matimba hi voko ra yena; u hangalasile lava tidzunisaka eku anakanyeni ka timbilu ta vona,

BIBELE Mahungu Lamanene

⁵¹ Ú tirhile hi matimba hi voko ra yena, ú hangalasile lava tikurisaka eku anakanyeni ka vona.

Testamente Leyimpsha Xichangana

⁵¹ Atirhile hi matimba hi voko ra yena, ahangalasile lavatikulisaka kuyanakanyeni ka vona.

Luka 1:51 Iomraidhean Croise

Genesa 11:8

Yehovha a va hangalasa emisaveni hinkwayo; kutani va tshika ku aka muti.

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Pisalema 118:15

Rito ra mihuvo ni ra ku ponisiwa Ri twakala emixaxeni ya lavo lulama: Voko ra xinene ra Yehovha ri tirhe hi matimba!

Pisalema 33:10

Yehovha u onha makungu ya vamatiko; Wa endla mianakanyo ya matiko swahava.

Pisalema 52:9

Ndzi ta ku vonga hi masiku, hikuva u tirhile; Ndzi ta tshemba vito ra wena hikuva ri nene, Emahlweni ka vahlawuriwa va mina.

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Pisalema 89:10

U phyandlasile Egipta kukota munhu la feke, U hangalasile valala va wena hi matimba ya voko ra wena,

Pisalema 89:13

Matimba ma le vokweni ra wena, Xandla xa wena xa xinene xi tiyile, xi tlakukile.

Pisalema 98:1

Yimbelelelani Yehovha risimu lerintshwa, Hikuva u endlile swilo leswi hlamarisaka; Voko ra yena ra xinene lero kwetsima ri n'wi pfunile.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Esaya 40:10

Vonani, Hosi, Yehovha wa ta hi matimba; wa fuma hi voko ra yena; vonani, wa ta a ri ni ku khensa ka yena, ku hakela ka yena ku n'wi rhangele.

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Esaya 52:10

Yehovha u funungurile voko ra yena leri hlawuriweke emahlweni ka matiko hinkwawo, kutani makumu hinkwawo ya misava ma ta vona ku hlayiseka ka Xikwembu xa hina.

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Yeremiya 49:15

Hikuva vonani, ndzi ta ku endla lontsongo exikarhi ka matiko, ni la sandziwaka exikarhi ka vanhu.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Nhlavutelo 18:8

hikwalaho makhombo ya yena ma ta humelela hi siku rin'we, rifu, ni nhlomulo ni ndlala, kutani u ta hisiwa hi ndzilo, hikuva Hosi leyi n'wi avanyisaka i Xikwembu xa matimba.”