Luka 1:49 - Xitsonga (Bibele)

⁴⁹ hikuva Lowa matimba u ndzi endlerile leswikulu.

BIBELE Mahungu Lamanene

⁴⁹ Lowa matimba hinkwawo ú ndzi endlerile leswikulu, vito ra yena ri hlawulekile,

Testamente Leyimpsha Xichangana

⁴⁹ Lweyi wa matimba hinkwawu aniyendlelile lesvikulu, vito ra yena rihlawulekile,

Luka 1:49 Iomraidhean Croise

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Pisalema 111:9

U rhumele tiko ra yena ku tshunxeka; U lerisile ntwanano wa yena hi laha ku nga heriki; Vito ra yena ri hlawulekile, ra chaviseka.

Pisalema 24:8

Hosi ya ku kwetsima, i mani? I Yehovha wa matimba la nga tsandziwiki ha nchumu, Yehovha la nga ni matimba enyimpini.

Pisalema 99:3

A va dzunise vito ra wena lerikulu leri chavisaka, Hikuva ri hlawulekile!

Pisalema 99:9

Dzunisani Yehovha, Xikwembu xa hina, Mi n'wi khinsamela entshaveni leyo kwetsima ya yena; Hikuva u hlawulekile, Yehovha, Xikwembu xa hina!

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Esaya 1:24

Hikwalaho Hosi, Yehovha wa tinyimpi, nhenha ya Israele, u ri: “Ya! Ndzi ta titsakisa hi lava ndzi vengaka, ndzi ta tirihisela eka valala va mina.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Marka 5:13

Yesu a hatlisa a ma pfumelela. Kavaloko mimoya yoleyo ya thyaka yi nghena etingulubyeni, kutani ntlhambi wu tsutsumela hi matimba eriweni, wu tihoxa elwandle; (ti lave ku va makume mambirhi ya madzana), kutani ti nwela elwandle.

Luka 1:48

hikuva u langutile vusiwana bya nandza wa yena; kutani tinxaka hinkwato ti ta ku ndzi katekile,

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Vaefesa 3:20

Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”

1 SAMIELE 2:2

“La kwetsimaka kukotisa Yehovha, a nga kona; Hikuva a ku na Xikwembu ehandle ka wena; A ku na Ribye lero tiya kukota Xikwembu xa hina.