Luka 1:48 - Xitsonga (Bibele)

⁴⁸ hikuva u langutile vusiwana bya nandza wa yena; kutani tinxaka hinkwato ti ta ku ndzi katekile,

BIBELE Mahungu Lamanene

⁴⁸ hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.

Testamente Leyimpsha Xichangana

⁴⁸ hikuva alangutile vusiwana bza mina nandza wa yena, kutani kusukela svosvi, vanhu va minkarhi hinkwayu vataku nikatekile.

Luka 1:48 Iomraidhean Croise

Genesa 30:13

Kutani Leya a ku: “Ndzi katekile! Hikuva vanhwana va ta ndzi vula lowa nkateko”; a n'wi thya vito ra Asere (ku kateka).

2 SAMIELE 7:8

Sweswi, u ta ya vurisa sweswo eka Davhida nandza wanga, u ku: ‘Yehovha wa mavandla u te: Ndzi ku tekile ematshangeni, exikarhi ka tinyimpfu leswaku u va mufambisi wa Israele, tiko ra mina;

Pisalema 102:17

U ta yingisela ku khongela ka xisiwana, A nga ka a nga nyenyi ku khongela ka yena.

Pisalema 136:23

Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki!

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Malakiya 3:12

Kutani matiko hinkwawo ma ta ku: Mi katekile; hikuva mi ta va tiko leri tsakisaka, ku vula Yehovha wa mavandla.

Luka 1:28

Ntsumi, kuteloko yi fike eka yena, yi ku: “Avuxeni, mutsetseleriwa, Hosi yi na wena; u katekile exikarhi ka vavasati.”

Luka 1:42

“U katekile xikarhi ka vavasati, ku katekile ni n'wana la nga ekhwirini ra wena.

Luka 1:45

Ku katekile la pfumeleke, hikuva timhaka leti a nga byeriwa hi Hosi, ti ta tumbuluka.”

Luka 1:49

hikuva Lowa matimba u ndzi endlerile leswikulu.

Luka 11:27

Kakuloko a ha vulavula timhaka teto, wansati la nga exikarhi ka vunyingi, a tlakusa rito, a ku eka yena: “Ku katekile khwiri leri ku velekeke, ni mavele lawa u ma an'weke!”

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

1 SAMIELE 2:8

Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.