Levhitika 3:1 - Xitsonga (Bibele)

¹ “ ‘Loko nhlengo wa munhu wu ri gandzelo ra ku khensa, ni loko a humesa xifuwo lexikulu, hambi xa xinuna, hambi xa ntswele, u ta xi humesa xi nga ri na xivati emahlweni ka Yehovha.

BIBELE Mahungu Lamanene

¹ “Loko munhu a humesa magandzelo ya xinakulobye hi xin'wana xa swifuwo swa yena leswikulu, ú fanele ku pambula lexi nga solekiki xa xinuna kumbe xa xisati, a ya na xona emahlweni ka HOSI Xikwembu.

Levhitika 3:1 Iomraidhean Croise

1 TIKRONIKA 21:26

Davhida a akela Yehovha alitari kona, kutani a humesa tiholokosta ni magandzelo ya ku khensa, kutani a khongela Yehovha la n'wi hlamulaka hi ndzilo lowu xikeke hi le tilweni ealitarini ya tiholokosta.

Eksoda 20:24

U ta ndzi akela alitari ya misava, laha u nga ta tlhavela kona magandzelo ya wena, ni timhamba ta wena ta tinyimpfu ni ta tihomu. Hinkwako laha ndzi nga ta veka xitsundzuxo xa vito ra mina, ndzi ta ta eka wena kona, ndzi ku katekisa.

Eksoda 24:5

Kutani a rhuma majaha ya vana va Israele ku endla magandzelo lama hisiwaka, ni magandzelo ya ku khensa Yehovha hi tinkunzi.

Eksoda 29:28

swi ta va swa Aroni ni vana va yena hi ku lerisa loku nga heriki exikarhi ka vana va Israele, hikuva i ku nyika loku pamburiweke eka vana va Israele loku va nga ta ku pambulela emagandzelweni ya vona ya ku khensa; i ku nyika ka vona loku pambuleriweke Yehovha.

Swivuriso 7:14

“Ndzi ni nkhuvo wa magandzelo ya ndzalo, Namuntlha ndzi hetisile ku hlambanya ka mina;

Ezekiele 43:27

Va ta hetelela masiku walawo; eka siku ra ntlhanu na manharhu, ni lama tlhandlamaka, vaprista va ta tlhava ealitarini tiholokosta ta n'wina, ni magandzelo yo khensa ya n'wina, ndzi ta tsakisa hi n'wina, ku vula Hosi Yehovha.”

Ezekiele 45:15

Eka tinyimpfu ku ta humesiwa yin'we eka madzana mambirhi ta le madyelweni leyo nona ya Israele, ku endla mhamba ni tiholokosta ni magandzelo yo khensa, ku ta tilavela nkateko wa vona, ku vula Hosi Yehovha.

Levhitika 1:10

“ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.

Levhitika 17:5

Hi leswaku vana va Israele va tisa timhamba leti va ti tlhavaka emananga eka muprista, emahlweni ka Yehovha, enyangweni ya tabernakela ya nhlengeletano, kutani va ti humesela Yehovha, ma ri magandzelo ya ku khensa.

Levhitika 3:6

“ ‘Loko nhlengo wa yena wa gandzelo ra ku khensa Yehovha, xi ri xifuwo lexitsongo xa xinuna, hambi swa ntswele, u ta xi humesa xi nga ri na xivati.

Levhitika 9:18

A tlhava ni nkunzi ni khuna, swi endleriwa tiko gandzelo ra ku khensa. Vana va Aroni va n'wi tisela ngati, a xuva alitari ha yona ematlhelweni hinkwawo.

Levhitika 9:4

ni nkunzi, ni khuna ra gandzelo ra ku khensa ku swi tlhavela Yehovha, ni nhlengo lowu nga pfuviwa hi mafurha; hikuva namuntlha Yehovha u ta tikombisa eka n'wina.’ ”

Amosi 5:22

Hambi mi ndzi humesela leswi hisiwaka ni tinyiko ta n'wina, a ndzi swi tsakeri, ni loko ma ri magandzelo ya leswi noneke swa n'wina, a ndzi ma languti.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Malakiya 1:8

Ni loko mi tisa xifuwo lexo fa mahlo ku endla gandzelo, xana a hi nandzu-ke? Ni loko mi tisa lexi khwitaka ni lexi vabyaka, a hi nandzu xana? Swi yise eka mufumi wa wena, xana u ta ku tsakela, kumbe a tsakisiwa hi wena xana? ku vula Yehovha wa mavandla.

Tinhlayo 15:8

“ ‘Loko u humesa nkunzi ya ku endla holokosta, kumbe gandzelo ra ku tiyisa rito ra ku hlambanya, kumbe gandzelo ra ku khensa Yehovha,

Tinhlayo 6:14

kutani u ta humesela Yehovha nyiko ya yena, xi va xinyimpfana xa lembe rin'we, lexi nga riki na xivati, xi va xa holokosta, ni nyimpfu ya lembe leyi nga riki na xivati, yi va ya gandzelo ra xidyoho ni khuna leri nga riki na xivati, ri va ra gandzelo ra ku khensa.

Tinhlayo 7:17

ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa 5 swa lembe. Hi wona nhlengo wa Nahaxoni, n'wana Aminadaba.

Tinhlayo 7:59

ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Gamaliele, n'wana Pedasuru.

Duteronoma 12:27

kutani u ta humesa tiholokosta ta wena, yi ri nyama ni ngati; loko ma ri magandzelo man'wana ya wena, ngati yi ta cheriwa ealitarini ya Yehovha, Xikwembu xa wena, kutani u ta dya nyama ya wona.

Vakolosa 1:20

ni ku hlanganisi swilo hinkwaswo hi yena, hambi swi ri leswi nga emisaveni, hambi swi ri leswi nga ematilweni hikuva hi yena la endleke ku rhula hi ngati ya xihambano xa yena.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.

Vaavanyisi 20:26

Kutani vana va Israele hinkwavo ni tiko hinkwaro, va tlhandlukela eBetele va karhi va rila, va yima kona emahlweni ka Yehovha, va titsonile swakudya hi siku rero, ku fikela madyambu, va humesela Yehovha magandzelo lama hisiwaka, ni magandzelo ya ku khensa.

Vaavanyisi 21:4

Kutani siku leri tlhandlamaka, wa ha ri mixo, tiko ri pfuka ri aka alitari kona, va tlhava magandzelo lama hisiwaka ni magandzelo ya ku khensa.