Hosiya 9:4 - Xitsonga (Bibele)

⁴ A va nga ha cheleri Yehovha vhinyo, kutani magandzelo ya vona a ma nga ha n'wi tsakisi; swakudya swa vona swi ta va eka vona kukotisa swakudya swa nkosi, hinkwavo lava swi dyaka va hundzuka thyaka, hikuva swakudya swa vona swi ta va swa vona ntsena, swi nga ka swi nga ngheni endlwini ya Yehovha.

BIBELE Mahungu Lamanene

⁴ Kona kwale, a va nga ha koti ku humesela HOSI Xikwembu vhinyo ya magandzelo; ni ku xi tsakisa hi ku xi tlhavela swifuwo, a va nga ha swi koti. Xinkwa xa vona xi ta fana ni xa le nkosini, hinkwavo lava nga ta dya xona va ta nyamisiwa; xinkwa xa kona xi ta va xo dya ntsena, a va nga ha xi yisi endlwini ya HOSI Xikwembu.

Hosiya 9:4 Iomraidhean Croise

Eksoda 29:40

u ta swi humesa ni mpin'wanyana wa mapa lama hleriweke, lama pfuviweke hi hafunyana ya hini ya mafurha yo tenga, ni hafunyana ya hini ya vhinyo: i swa xinyimpfana xo rhanga.

Eksoda 40:23

a veka ni swinkwa emahlweni ka Yehovha, a xi lunghisa etafuleni, hilaha Yehovha a nga lerisa Muxe hakona.

Esaya 57:6

Ku averiwa ka wena ku le maribyeni yo rhideleka ya milambu, hi yona ndzhaka ya wena; hi wona lawa u ma chelelaka mabyalwa, lawa u ma humeselaka mihlengo: Xana a ndzi nga vuri nchumu ha swona-ke?

Esaya 66:3

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.

Yeremiya 16:7

Kambe a ku na un'we wa vona la nga ta phemeriwa vuswa bya xirilo ku chaveleriwa hikwalaho ka mufi wa yena, kambe va nga ka va nga nwisiwi ndzheko wa ku chavelela hikwalaho ka tata wa vona, kumbe mana wa vona.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Ezekiele 24:17

U hefemuteka u ri karhi u wisile; u nga endli xirilo xa lava feke: u boha duku ra wena enhlokweni ya wena, u vehela ni tintanghu ta wena emilengeni ya wena, u nga funengeti malebvu ya wena, u nga dyi vuswa bya vanhu.”

Ezekiele 24:22

Mi ta endla kukotisa leswi ndzi endleke; mi nga ka mi nga funengeti malebvu ya n'wina, ni loko ku ri ku dya vuswa bya vanhu.

Daniele 1:8

Kambe Daniele a endla makungu embilwini ya yena leswaku a nga ka a nga tinyamisi hi swakudya leswo xawula swa hosi, ni loko yi ri vhinyo leyi nwiwaka hi yona, kutani a kombela eka ndhuna ya vatsheniwa leswaku a nga bohiwi ku tinyamisa.

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Hosiya 7:16

Va tlhela, kambe ku nga ri ku ya eka La nge henhla. Va fana ni nseve lowu nga tshembekiki. Tihosi ta vona ti ta wisiwa hi tlhari hikwalaho ka ku tidzunisa ka tindzimi ta vona. Va ta sandziwa hakona etikweni ra Egipta.

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:9

Mihlengo ni magandzelo swi susiwa endlwini ya Yehovha; vaprista lava tirhelaka Yehovha, va le nkosini.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Levhitika 17:11

hikuva moya wa nyama wu le ngatini. Ndzi mi nyikile yona ealitarini ku phahlela mimoya ya n'wina mhamba; hikuva hi yona ngati leyi phahlelaka moya mhamba.

Levhitika 21:17

“Byela Aroni, u ku eka yena: ‘Munhu un'wana ni un'wana wa rixaka ra wena ni wa vatukulu va wena, la nga ni vulema, a nga tshuki a tshinelela ku humesa swakudya swa Xikwembu xa yena;

Levhitika 21:21

Munhu un'wana ni un'wana wa rixaka ra Aroni, muprista, la nga ni vulema, a nga tshuki a tshinela ku humesa magandzelo lama hiseriwaka Yehovha, u ni vulema, a nga ka a nga tshineleli ku humesa swakudya swa Xikwembu xa yena.

Levhitika 21:6

Va ta tihlawulela Xikwembu xa vona, hikuva va tshama va humesela Yehovha magandzelo lama hisiwaka, swi ri swakudya swa Xikwembu xa vona: va ta va lava hlawuriweke.

Levhitika 21:8

U ta n'wi vula la hlawuriweke, hikuva hi yena la humesaka swakudya swa Xikwembu xa wena, hikuva ndzi hlawulekile, mina Yehovha la mi hlawulaka.

Amosi 5:22

Hambi mi ndzi humesela leswi hisiwaka ni tinyiko ta n'wina, a ndzi swi tsakeri, ni loko ma ri magandzelo ya leswi noneke swa n'wina, a ndzi ma languti.

Malakiya 2:13

Kambe leswi mi engetaka mi swi endla hi leswi: Mi tata alitari ya Yehovha hi mihloti, ni swirilo ni ku rila, kutani a nga ha amukeri switlhavelo swa n'wina, a nga tsakisiwi hi lexi humaka emavokweni ya n'wina.

Tinhlayo 19:11

“ ‘La khumbeke mufi hi leswaku miri wihi ni wihi wa munhu, u ta va la nga tengangiki hi masiku ya ntlhanu na mambirhi.

Tinhlayo 28:2

“Lerisa vana va Israele, u ku eka vona: ‘Mi ta ndzi humesela nhlengo hi nkarhi wa wona, swi ri swakudya swa mina leswi hisiwaka, leswi nga ni risuna leri nun'hwelaka eka mina.’

Tinhlayo 4:7

Va ta funengeta tafula ra xikombiso hi nguvu ya xivunguvungu, va veka ehenhla ka rona mikambana, ni mindzheko, ni mikamba, ni makhuwana ya ku xuva; swinkwa swa masiku swi ta va ehenhla ka rona;

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Duteronoma 26:14

A ndzi dyangi swilo leswi enhlomulweni wa mina, a ndzi swi hungutanga ndzi ri la nga tengangiki, a ndzi nyikanga nchumu wa swona hikwalaho ka mufi; ndzi yingisile rito ra Yehovha, Xikwembu xa mina, kambe ndzi endlile hinkwaswo hilaha u ndzi leriseke hakona.