Hosiya 9:3 - Xitsonga (Bibele)

³ Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

BIBELE Mahungu Lamanene

³ Etikweni ra HOSI Xikwembu, a va nga ha tshami; va ka Efrayimi va ta tlhelela etikweni ra Egipta, va ya dya swakudya swa le Asiriya leswi nyamisaka.

Hosiya 9:3 Iomraidhean Croise

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

2 TIHOSI 17:6

Hi lembe ra ntlhanu na mune ra Hoxeya, hosi ya Asiriya yi teka Samariya, yi fambisa Vaisraele etikweni ra Asiriya, kutani yi va akisa eHala, ni le henhla ka Habori, nambu wa Gozana, ni le mitini ya Vameda.

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

Yeremiya 2:7

Ndzi mi tisile etikweni ra ndzalo, leswaku mi ta dya mihandzu ya rona ni mafurha ya rona, kambe mi nghenile, kutani mi dyuhata tiko ra mina, ni ndzhaka ya mina mi yi endla manyala.

Swirilo 5:6

Hi tshambulute mavoko eka Vaegipta ni ka Vaaxuru Ku xurha hi vuswa.

Ezekiele 4:13

Kutani Yehovha u te: “Hi mukhuva lowo, vana va Israele va ta dya vuswa lebyi yilaka ematikweni laha ndzi nga ta va hlongolela kona.”

Daniele 1:8

Kambe Daniele a endla makungu embilwini ya yena leswaku a nga ka a nga tinyamisi hi swakudya leswo xawula swa hosi, ni loko yi ri vhinyo leyi nwiwaka hi yona, kutani a kombela eka ndhuna ya vatsheniwa leswaku a nga bohiwi ku tinyamisa.

Hosiya 11:11

Va ta rhurhumela kukotisa nyanyana, va huma eEgipta, ni kukotisa tuva va huma emisaveni ya Asiriya; kutani ndzi ta va akisa etindlwini ta vona, ku vula Yehovha.

Hosiya 11:5

Efrayimi a nga ka a nga tlheleri eEgipta, kambe u ta fumiwa hi Asiriya; hikuva va arile ku tlhelela eka mina.

Hosiya 7:11

Efrayimi u fana ni tuva lero rivala; a nga na ku anakanya. Va ka Efrayimi va vita Vaegipta, va rhumela eka Vaaxuru.

Hosiya 7:16

Va tlhela, kambe ku nga ri ku ya eka La nge henhla. Va fana ni nseve lowu nga tshembekiki. Tihosi ta vona ti ta wisiwa hi tlhari hikwalaho ka ku tidzunisa ka tindzimi ta vona. Va ta sandziwa hakona etikweni ra Egipta.

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.

Levhitika 18:28

Tilanguteleni leswaku misava yi nga tshuki yi mi hlanta loko mi yi nyamisile, kukotisa leswi yi hlanteke tiko leri ngi ri ri kona emahlweni ka n'wina.

Levhitika 20:22

“Mi ta hlayisa milawu hinkwayo ya mina, ni ku lerisa hinkwako ka mina, mi endla hakona, kutani tiko leri ndzi mi nghenisaka eka rona ku aka kona, ri nga ka ri nga mi hlanti.

Levhitika 25:23

“ ‘Masimu ma nga tshuki ma xavisiwa hilaha ku nga heriki, hikuva misava i ya mina; hikuva mi valuveri ni vaendzi eka mina.

Amosi 7:17

Hikwalaho Yehovha u ri: ‘Nsati wa wena u ta khomiwa exikarhi ka muti, vana va wena va xinuna ni va xisati va ta dlawa hi fumu, nsimu ya wena yi ta pandziwa mindzilekana, wena u ta fela etikweni leri nyameke, Israele, yena, u ta yisiwa evukhumbini, a susiwa etikweni ra yena.’ ”

Mikiya 2:10

Pfukani, fambani! Hikuva laha, mi nga ka mi nga wisi kona, hikwalaho ka thyaka le ri humesaka ku onhaka, ku onhaka loku chavisaka.

Timhaka 10:14

Kambe Petro a ku: “Swi nga tshuki swi va tano, Hosi, hikuva a ndzi si dya xilo lexi yilaka, hambi xi ri lexi nyameke.”

Duteronoma 28:63

Kukotisa leswi Yehovha a titsakeleke ku mi katekisa, ni ku mi andzisa, hi sweswo, Yehovha u ta titsakela ku mi lovisa, ni ku mi herisa; kambe mi ta tsuvuriwa emisaveni leyi mi nga ta nghena eka yona ku yi fuma.

Duteronoma 28:68

Yehovha u ta ku tlherisela eEgipta etingalaveni, a ku fambisa endleleni leyi ndzi nga te eka wena: ‘U nga ka u nga ha yi voni,’ kutani mi ta tixavisa kona eka valala va n'wina ku va makhumbi ya vavanuna ni ya vavasati kambe a ku nga vi na muxavi.”

Duteronoma 4:26

ndzi vitana namuntlha tilo ni misava, ti va timbhoni ta n'wina leswaku mi ta fa hi ku hatlisa etikweni leri mi nga ta ri fuma loko mi perile Yordani; masiku ya n'wina ma nga ka ma nga lehi kona, hikuva mi ta herisiwa kunene.

Yoxuwa 23:15

Kutani, kukotisa loko marito hinkwawo lamanene, lawa Yehovha a mi byeleke wona, ma endleriwile n'wina, na swona Yehovha u ta tiyisa ehenhla ka n'wina, marito hinkwawo layo biha mi ko mi hela ehenhla ka tiko lerinene leri Yehovha Xikwembu xa n'wina, a mi nyikeke rona.