Hosiya 9:2 - Xitsonga (Bibele)

² Swivuya ni swikhuvutelo swi nga ka swi nga va xurhisi, ni vhinyo, yi ta kanganyisa ku langutela ka vona.

BIBELE Mahungu Lamanene

² Masimu ya vanhu va tiko ra Israele a ma nga ha va nyiki mavele ni mafurha yo ringana, ni vhinyo yi ta kayivela.

Hosiya 9:2 Iomraidhean Croise

Genesa 50:10

Va fika exivuyeni xa Atadi, lexi nga entsungeni wa Yordani, kutani va rila kona hi nhlomulo lowukulu, ni mikosi leyikulu; kutani Yosefa a tshamisela tata wa yena kona enkosini hi masiku ya ntlhanu na mambirhi.

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Hosiya 2:12

Ndzi ta onha masimu ya yena ya vhinya ni ya makuwa, lawa a nga ku: ‘I hakelo leyi ndzi yi nyikiweke hi swigangu swa mina!’ Kambe ndzi ta ma hundzula xihlahla lexi nga ta dyiwa hi swiharhi swa le handle.

Hosiya 2:9

Hikwalaho ndzi ta n'wi tekela koro ya mina enkarhini wa yona, ni vhinyo leyintshwa ya mina enkarhini wa yona ndzi n'wi tekela ni voya bya mina, ni ntsembyana wa mina, leswi a tifunengetaka vusweti bya yena ha swona.

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Hagayi 1:9

A mi langutela leswo tala, kasi vonani, mi kumile leswitsongo; mi swi tisa ekaya, kutani ndzi pfurhete ehenhla ka swona. Hikwalaho ka yini, ku vula Yehovha wa mavandla? Hikwalaho ka yindlu ya mina, yi nga rhumbi, kasi n'wina, un'wana ni un'wana a tsutsumela endlwini ya yena.

Hagayi 2:16

Emikarhini leyo, loko un'wana a ta eka nhulu yin'we leyi nga ni makume mambirhi ya mimpimo ya koro, ku kumiwa leya khume ntsena; a ta emphongolweni wa vhinyo ku ta ka mimpimo ya ntlhanu wa makume; kutani ku kumiwa ya makume mambirhi ntsena.