Hosiya 8:8 - Xitsonga (Bibele)

⁸ Israele u mitiwile; exikarhi ka matiko, va kotisa mbita leyi nga rhandziwiki.

BIBELE Mahungu Lamanene

⁸ Vanhu va tiko ra Israele sweswi va mitiwile; exikarhi ka matiko man'wana, va fana ni xibya lexi nga pfuniki nchumu.

Hosiya 8:8 Iomraidhean Croise

2 TIHOSI 18:11

Hosi ya Asiriya yi yisa Vaisraele etikweni ra Asiriya, yi va akisa eHala, ni le nambyeni wa Habori, etikweni ra Gozana, ni le mitini ya Mediya,

Esaya 30:14

ku mbundzuka ka rona ku humelela kan'we, ri fayeka tanihi mbita ya vumba loko yi fayiwa ha vomu, leyi ku nga sariki xirhengele lexi munhu a nga okaka ndzilo ha xona, kumbe ku ka mati exihlobyeni ha xona.”

Yeremiya 22:28

Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?

Yeremiya 25:34

Kololani, n'wina varisi, mi huwelela, puluvundzani enkumeni, n'wina vini va ntlhambi, hikuva ku fikile masiku ya n'wina ya ku dlayiwa, kutani ndzi ta mi hangalasa, mi wa kukotisa swibya swa nxavo wa nkoka.

Yeremiya 48:38

Etindlwini hinkwato ta Mowabu ni le mitsendzeleni hinkwayo ya yena va kolola; hikuva ndzi fayile Mowabu kukotisa mbita leyi sandziwaka, ku vula Yehovha.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Yeremiya 51:34

“Nebukadnetsara, hosi ya Babilona, u hi dyile, u hi hetile, u hi endlile xilo xa hava, u hi mitile kukota dragona, u tixurhisile khwiri hi ku nandziha ka hina, u hi hlongorile.

Swirilo 2:16

Lava ku vengaka hinkwavo va ku ahlamisele milomu ya vona, Va ba miloti, va getserisa meno, Va ku: “Hi n'wi mitile; Kunene, hi rona siku leri hi ri languteleke, hi ri kumile, hi ri vonile.”

Swirilo 2:2

Hosi yi mbundzuxile miako hinkwayo ya Yakobo, a nga tsetselelanga nchumu; U mbundzuxile hi vukari lebyi pfurhaka bya yena makhokholo ya nhwanyana wa Yuda, U ma wisele ehansi, A onha ku fuma ni tihosi ta kona.

Swirilo 2:5

Hosi yi hundzukile yi kotisa nala, yi mitile Israele; Yi mbundzuxe tindlu hinkwato ta yena ta vuhosi, Yi herise makhokholo ya yena, Kutani yi andzisele nhwanyana wa Yuda tingana ni mahlomulo.

Swirilo 4:2

Vana va Siyoni lavanene Va ringanisiwe ni nsuku lowu lulameke, Va hlayiwile ku yini kukota makhuwana ya vumba, Yi nga mitirho ya mavoko ya muvumbi.

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Ezekiele 36:3

Hikwalaho ka swona, profeta, u ku: Ku vula Hosi Yehovha: Kunene, leswi va rhandzeke hi matlhelo hinkwawo ku mi hlasela ni ku mi mita, leswi milomu yo biha ya vanhu, ni mahlevo ya vona swi kongomeke n'wina,

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Varhoma 9:22

Kambe loko Xikwembu xi rhandzile ku kombisa vukari bya xona ni ku twarisa matimba ya xona, xi honisile hi mbilu leyo leha ngopfu timbita ta vukari leti lunghiseriweke ku lahleka,

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Duteronoma 28:64

Yehovha u ta ku hangalasa ematikweni hinkwawo, ku suka emakun'wini ya misava, ku yisa emakun'weni man'wana ya misava, kutani u ta tirhela kona swikwembu swin'wanyana leswi wena ni vatata wa wena mi nga swi tivangiki, wu ri ntsandze ni ribye.