Hosiya 8:10 - Xitsonga (Bibele)

¹⁰ Hambiloko va rhumela tinyiko exikarhi ka matiko, ndzi ta va hlengeleta kona, va ta sungula ku tsana hi ku tikeriwa hi hosi ya tihosi tin'wana.

BIBELE Mahungu Lamanene

¹⁰ Kambe hambiloko va tixavele vanghana ematikweni, ndzi le kusuhi ni ku va hlengeleta. Kutani ku nga ri khale va ta tshika ku tivekela tihosi ni tindhuna.

Hosiya 8:10 Iomraidhean Croise

2 TIHOSI 14:26

Hikuva Yehovha a a vonile khombo lerikulu ngopfu ra Israele, ni leswaku va herile hinkwavo, hambi va ri va matimba, hambi lavatsongo, a ku nga ri na munhu la pfunaka Israele.

2 TIHOSI 17:3

Xalimanezere, hosi ya Asiriya a tlhandluka ku lwa na yena; kutani Hoxeya a va ehansi ka yena, a n'wi humesela ndzuvo.

2 TIHOSI 17:4

Hosi ya Asiriya yi vona leswaku Hoxeya a endle makungu ku yi pfuka, hikuva a a rhumile tintsumi eka So, hosi ya Egipta; na swona a nga ha rhumelanga hosi ya Asiriya ndzuvo kukotisa hi malembe. Kutani hosi ya Asiriya yi n'wi pfalela, yi n'wi boha ekhotsweni.

1 TIKRONIKA 5:26

Xikwembu xa Israele xi kucetela moya wa Pulu, hosi ya Asiriya, ni moya wa Tiglata-Pilezere hosi ya Asiriya, kutani a yisa evukhumbini va Rhuveni, ni va Gadi ni va hafu ya nyimba ya Manase, a va yisa eHala na le Habori na le Hara, ni le nambyeni wa Gozana, laha va akeke kona ku fika namuntlha.

Esaya 10:8

Hikuva a ku: “Tindhuna ta mina a hi tihosi hinkwato xana?”

Esaya 30:2

Va xikela eEgipta, va nga si vutisa nomu wa mina, va tsutsumela xisirhelelo xa Faro, va tisirhelela hi ndzhuti wa Egipta!

Esaya 36:13

Kutani Rhabi-Xake a yima, a huwelela hi rito lerikulu eririn'wini ra Vayuda, a ku: “Yingisani rito ra hosi leyikulu, ya hosi ya Asiriya:

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Ezekiele 16:33

Vaoswi hinkwavo va tsakisiwa hi hakelo, kambe hi wena la nga tsakisa lava u gangiseke na vona, u va hakerile kunene leswaku va humelela hinkwako ku ta oswana na wena.

Ezekiele 16:37

waswivo, ndzi ta hlengeleta vagangisi va wena lava u oswaneke na vona, lava u va rhandzeke, ni lava u va vengeke, ndzi ta va hlengeleta hi matlhelo hinkwawo, ndzi va kombisa vusweti bya wena kutani va ta byi vona.

Ezekiele 22:20

Kukotisa loko ku hlengeletiwa silivhere, ni koporo, ni nhumbu, ni ntsopfu, ni thini exikarhi ka fulo, ku pfurhetela ndzilo ehenhla ka swona leswaku swi n'oka ndzi ta mi hlengeletisa sweswo evukarini bya mina ni le ku holoveni ka mina, kutani ndzi ta mi veka kona efulweni, ndzi mi n'okisa.

Ezekiele 23:5

“Kutani Ohola a ndzi tshika, a oswana, a rhandzana ngopfu ni varhandziwa va yena, va nga vanhu va Asiriya lava akisaneke na yena,

Ezekiele 26:7

“Hikuva Hosi Yehovha u ri: Vonani, ndzi ta landza Nebukadnetsara, hosi ya Babilona, hosi ya tihosi, en'walungwini, ndzi n'wi tisa eTiri, a ta hi tihanci, ni tigolonyi, ni vakhandziyi, ni mavandla, ni vanhu lavanyingi.

Daniele 2:37

“Wena, hosi, u hosi ya tihosi, la nyikiweke hi Xikwembu xa le henhla ku fuma ni vuhosi, ni matimba, ni ku kwetsima,

Hosiya 10:10

Ndzi ta va tshinya hi ku tirhandzela ka mina, kutani matiko ma ta hlengeletiwa ehenhla ka vona ku va bohelela emakhombyeni ya vona lamambirhi.

Hosiya 12:2

Efrayimi u tixurhisa hi moya, u landzela moya wa le vuxeni. Siku hinkwaro u andzisa vunwa ni ku onhaka. Va endle xinakulobye na Asiriya, kutani va yisa mafurha eEgipta.

Hagayi 2:6

Hikuva Yehovha wa mavandla u vulavula, a ku: Ndza ha ta tsekatsekisa kan'we, enkarhini lowu nga ekusuhana, tilo ni misava, ni lwandle ni tiko leri omeke.