Hosiya 7:8 - Xitsonga (Bibele)

⁸ Efrayimi u tipfanganisa ni vamatiko, Efrayimi i xinkwa lexi nga hundzuluxiwangiki.

BIBELE Mahungu Lamanene

⁸ Va ka Efrayimi va hlangana-hlangana ni vanhu va matiko mambe, va fana ni ximbhundzwa lexi vupfeke tlhelo rin'we ntsena.

Hosiya 7:8 Iomraidhean Croise

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Ezra 9:1

Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

Ezra 9:12

Oho! Sweswi, mi nga tshuki mi nyika vana va n'wina eka vana va vona, mi nga tekeli vana va n'wina vanhwana va vona, mi nga naveli ndzalo wa vona, ni loko xi ri xuma xa vona, ni siku ni rin'we, mi ta tiva ku kuma matimba, ni ku dya ku nona ka tiko, mi ta siyela vana va n'wina tiko leri, yi va ndzhaka ya vona hilaha ku nga heriki.’

Pisalema 106:35

Kambe va hlanganile na vona, Va dyondza mikhuva ya vona.

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Hosiya 5:7

Yehovha, va n'wi endlele vuntswaka, hikuva va veleke vana va vuoswi; kambe sweswi, n'weti yin'we yi ta va heta ni rifuwo ra vona.

Hosiya 7:9

Vamatiko va dyela mandla ya yena, kambe yena a nga swi voni. U mirile misisi ya timpfu, kambe a nga swi tivi.

Hosiya 9:3

Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Malakiya 2:11

Yuda u kanganyisile, kutani ku endliwa leswo biha eIsraeleni ni le Yerusalema; hikuva Yuda u hahlurile lexo kwetsima xa Yehovha, lexi a xi rhandzaka, u lovola wanhwanyana wa xikwembu ximbe.

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.