Hosiya 7:3 - Xitsonga (Bibele)

³ Hi mona wa vona va tsakisa hosi; ni tindhuna, hi vunwa bya vona.

BIBELE Mahungu Lamanene

³ Hosi ya tiko va yi tsakisa hi vuxisi, tindhuna tona va ti kanganyisa kunene.

Hosiya 7:3 Iomraidhean Croise

1 TIHOSI 22:13

Nandza la fambeke ku ya vitana Mikaya a ku eka yena: “Waswivo, vaprofeta va ve nomu wun'we ku bvumbhela hosi leswo saseka. Rito ra wena a ri fane ni rito ra un'wana wa vona, u vula swo saseka!”

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

Yeremiya 37:19

Va kwihi vaprofeta va n'wina lava mi profetelaka, va ku: ‘Hosi ya Babilona yi nga ka yi nga mi hlaseri, n'wina ni tiko leri?’

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Hosiya 10:13

Mi rimile ku homboloka, mi va mi tshovela ku biha, kutani mi dyile swakudya swa mavunwa; hikuva u tshembile ku famba ka wena, ni vunyingi bya tinhenha ta wena.

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Hosiya 5:11

Efrayimi wa tikeriwa, u tshovekile eku avanyiseni, hikuva u tirhandzele ku ya hi ku lerisa loku a tiendleleke kona,

Hosiya 7:5

Hi siku ra nkhuvo wa hosi ya hina, tindhuna ti tivabyisa hi vukari bya vhinyo, yena a tshambuluta voko ra yena eka lava hlekisaka.

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Varhoma 1:32

volavo, hambi va tivile ku lerisa ka Xikwembu leswaku lava endlaka swo biha leswo tano va lulameriwa hi rifu, a va endli leswo ntsena, kambe va engeta va yimela ni lava swi endlaka.

1 Yohane 4:5

Vona i va misava; hikwalaho va vulavulaka hi swa misava; kutani misava ya va yingisa.