Hosiya 7:1 - Xitsonga (Bibele)

¹ Loko ndzi ku ndzi dyaha Israele, hilaha ku humelelaka vudyohi bya Efrayimi ni mona wa Samariya, Hikuva va endla swa mavunwa, ni khamba ri nghena etindlwini, ntlawa wa lava yivaka wu hangalaka ehandle.

BIBELE Mahungu Lamanene

¹ Loko ndzi lava ku horisa vanhu va tiko ra Israele, vubihi bya vanhu lava va ka Efrayimi bya tikomba, ni ku homboloka ka vanhu va Samariya ka vonaka: Va hanya hi ku xisana, va tshovelana tindlu va yivelana, va gevenga ni vanhu etindleleni.

Hosiya 7:1 Iomraidhean Croise

Esaya 28:1

Khombo ri ni xintlontlo lexi tiarisaka xa vapyopyiwa va Efrayimi, khombo ri ni xiluva lexi vuneke byi nga vubombi bya vona, ehenhla ka nkova lowu noneke wa lava hluriwaka hi vhinyo!

Esaya 59:12

Hikuva milandzu ya hina yi tele emahlweni ya wena, kutani swidyoho swa hina swa hi hehla; hikuva milandzu ya hina yi le mahlweni ka hina, kambe ha tiva swidyoho swa hina.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Esaya 59:14

Kutani ku pona ku tlherile, ni ku hlayiseka ku titshamele kule na hina, hikuva ntiyiso wu wile ehubyeni ku lulama ku nga ka ku nga tshineri kona.

Yeremiya 51:9

Hi tshama hi ongola Babilona, kambe a nga hanyanga; a hi n'wi tshikeni, hi tifambela un'wana ni un'wana etikweni ra yena, hikuva ku avanyisa ka yena ku fike ematilweni, ku tlakukile ku fika emapapeni.

Ezekiele 16:46

Hosi ya wena ya xisati la tshamaka eximatsini xa wena i Samariya, ni vanhwanyana va yena; ndzisana ya wena la tshamaka exineneni, i Sodoma, ni vanhwanyana va yena.

Ezekiele 23:4

Mavito ya vona, lonkulu a a ri Ohola, na Oholiba, ndzisana ya yena; a va ri va mina, va veleke varisanyana ni vanhwanyana; loko ma ri mavito ya vona, Ohola, i Samariya, Oholiba, i Yerusalema.

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Hosiya 10:5

Vaaki va Samariya va chava hikwalaho ka rhole ra Beta-Avene; hikuva tiko ra kona ri le nkosini ni vaprista va kona va rhurhumela hikwalaho ka rona, ni hikwalaho ka ku twala ka rona, hikuva ku sukile eka rona.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Hosiya 12:1

Efrayimi u ndzi rhendzele hi mavunwa, ni yindlu ya Israele, hi ku kanganyisa; loko a ri Yuda, wa ha tiarisa, wa ala ku yingisa Xikwembu, Muhlawuriwa la tshembekaka.

Hosiya 12:2

Efrayimi u tixurhisa hi moya, u landzela moya wa le vuxeni. Siku hinkwaro u andzisa vunwa ni ku onhaka. Va endle xinakulobye na Asiriya, kutani va yisa mafurha eEgipta.

Hosiya 4:17

Efrayimi u pfangene ni swifaniso; n'wi sukele!

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Hosiya 5:1

Twanani mhaka leyi, n'wina vaprista, mi yingisa yona, va Yindlu ya Israele, na n'wina va yindlu ya hosi mi rhiya ndleve, hikuva ku avanyisiwa n'wina; hikuva mi ve tanihi xirimbana eMispa, ni tanihi rindzi leri ceriweke ehenhla ka Taboro.

Hosiya 6:4

Ndzi ta ku endla yini, Efrayimi? Ndzi ta ku endla yini, Yuda? Hikuva rirhandzu ra n'wina ri tanihi hunguva ya vuxa, ni mberha leyi sukaka hi ku hatlisa.

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.

Hosiya 8:5

Rhole ra wena, Samariya, ra ndzi nyenyetsa! Vukari bya mina bya va pfurhela. Va ta ala ku tibasisa ku yisa kwihi?

Hosiya 8:9

Hikuva vona va ye eAsiriya. Hanci, yona, yi tisalela yi ri yoxe; kambe Efrayimi u tilavela lava n'wi rhandzaka hi tinyiko.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Amosi 3:9

Huwelelani etindlwini ta vuhosi ta Axidodo, ni le tindlwini ta vuhosi etikweni ra Egipta, mi ku: “Hlengeletanani etintshaveni ta Samariya mi ta vona madzolonga layo tala lama nga exikarhi ka yena ni maxangu lama nga eka yena.”

Amosi 8:14

Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Luka 19:42

“Yo! Loko ngi na wena u ti tivile hi siku leri ra wena, timhaka leti ta ku rhula ka wena! Kambe sweswi, ti fihleriwe mahlo ya wena.