Hosiya 6:3 - Xitsonga (Bibele)

³ A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

BIBELE Mahungu Lamanene

³ A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Hosiya 6:3 Iomraidhean Croise

2 SAMIELE 23:4

La fanaka ni vurhonga loko dyambu ri huma, Ninhlekanhi, loko mapapa ma nga ri kona, Ku vonakala ka yena ku mirisa byanyi bya misava endzhaku ka mpfula.”

Ntirho 29:23

Va ndzi langutela kukotisa mpfula, Va ahlamisa milomu ya vona kukotisa loko va amukela mpfula ya munakan'we.

Pisalema 19:4

Ku twakala ka swona ku hangalakile emisaveni hinkwayo, Marito ya swona ma yile emakun'wini ya misava. Xi akele dyambu ntsonga wa rona kona.

Pisalema 19:6

Ri suka emakun'wini ya matilo, Kutani riendzo ra rona ri helela emakun'wini man'wana; A ku na nchumu lowu fihlekaka eku hiseni ka rona.

Pisalema 63:8

Moya wa mina wu namarhela wena ku ku landza, Voko ra xinene ra wena ri ndzi seketela.

Pisalema 65:9

U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

Pisalema 72:6

Yi ta fana ni mpfula loko yi na emadyelweni, Yi kotisa mberha leyinene leyi tsakamisaka misava.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.

Hosiya 14:6

Marhavi ya yena ma ta hluka; ku saseka ka yena ku ta va tanihi ka mutlhwari, ni ku nun'hwela ka yena ku fana ni ka Lebanoni.

Hosiya 2:20

Ndzi ku teka ni le ku tshembekeni, kutani u ta tiva Yehovha.

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Zakariya 10:1

Kombelani mpfula eka Yehovha hi nkarhi wa timpfula ta xirimo! Yehovha u ta humesa tihati; kutani u ta va nyika mpfula ya dzonga, a nyika un'wana ni un'wana leswi milaka ensin'wini ya yena.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Luka 1:78

hikwalaho ka tintswalo letikulu ta Xikwembu hi dyambu ra vuxa,

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

Duteronoma 32:2

Dyondzo ya mina yi ta swama kukota mpfula, Rito ra mina ri ta xiririka kukotisa mberha; Kukota mpfula erihlazeni, Kukota mberha leyo tala ebyanyini!

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”