Hosiya 6:10 - Xitsonga (Bibele)

¹⁰ Endlwini ya Israele, ndzi vone leswo chavisa; kona ku oswana Efrayimi! Israele wa tinyamisa!

BIBELE Mahungu Lamanene

¹⁰ Leswi ndzi swi voneke exikarhi ka vanhu va tiko ra Israele, swa chavisa swinene; vanhu lava va ka Efrayimi va endla vunghwavava lebyi thyakisaka tiko ra vona.

Hosiya 6:10 Iomraidhean Croise

1 TIHOSI 12:8

Kambe Rhobuwamu a tshika marito ya vakulukumba, a vitana majaha lama nga tintangha ta yena, lama yimeke emahlweni ka yena.

1 TIHOSI 15:30

hikwalaho ka swidyoho swa Yerobuwamu leswi a swi endleke, ni leswi a dyohiseke Israele ha swona, a ri karhi a karihisa ha swona Yehovha, Xikwembu xa Israele.

2 TIHOSI 17:7

Hikuva vana va Israele a va dyohele Yehovha, Xikwembu xa vona, loyi a va humeseke etikweni ra Egipta, ehansi ka voko ra Faro, hosi ya Egipta, kutani va chavile swikwembu swin'wana.

Yeremiya 18:13

“Loko swi ri tano, Yehovha u ri: ‘Vutisisani sweswi matiko, mi ku: “Xana un'wana a nga va kona la tshamaka a yingisa lexo tano-ke? Kambe nhwanyana wa Israele u endlile mhaka leyi chavisaka ngopfu.

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Ezekiele 23:5

“Kutani Ohola a ndzi tshika, a oswana, a rhandzana ngopfu ni varhandziwa va yena, va nga vanhu va Asiriya lava akisaneke na yena,

Ezekiele 23:7

Evuoswini bya yena, a tinyiketa eka vanhu valavo hinkwavo lava ingi va ri vahlawuriwa eka vana va Asiriya, a tinyamisa hi hinkwavo lavo ingi a va rhandza ngopfungopfu, a tinyamisa hi swifaniso hinkwaswo swa vona.

Hosiya 4:11

Vooswi, ni vhinyo, ni byalwa swi herisa miehleketo.

Hosiya 4:12

Tiko ra mina ri vutisa mirhi ya rona, kutani nkhavi wa rona wu ri tsundzuxa; hikuva moya wa vuoswi wu va hundzuluxile va oswa ekule ni Xikwembu xa vona.

Hosiya 4:17

Efrayimi u pfangene ni swifaniso; n'wi sukele!

Hosiya 5:3

Mina ndzi tiva Efrayimi, kambe Israele a nga tumbetiwi eka mina; hikuva sweswi, wa oswana, wena Efrayimi; na yena Israele wa tinyamisa.