Hosiya 4:3 - Xitsonga (Bibele)

³ Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

BIBELE Mahungu Lamanene

³ Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Hosiya 4:3 Iomraidhean Croise

Esaya 33:9

Tiko ri le nkosini ri ni tingana; Lebanoni u ni tingana, u omile; Xaroni u fana ni mananga; Baxani na Karmele va hlanhleka makamba.

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 4:25

Ndzi languta, kutani maswivo, a ka ha ri na munhu kona. Kambe tinyanyana hinkwato ta tilo ti balekile.

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 9:9

Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”

Ezekiele 38:20

Emahlweni ka mina ku ta tsekatseka tinhlampfi ta lwandle, ni tinyanyana ta matilo ni swiharhi swa nhova, ni swikokovi hinkwaswo leswi kokovaka ehansi, ni munhu un'wana ni un'wana la nga erivaleni ra misava, tintshava ti ta mbundzuka, maribye ma ta wa, ni khumbi rin'wana ni rin'wana ri ta hlanhliwa.

Yuwele 1:18

A hi ku cema ka swifuwo! Mitlhambi ya tihomu a yi tivi laha yi yaka yona, hikuva a ka ha ri na madyelo, swi tsandza ni mitlhambi ya swifuwana swi le ku vavisekeni!

Amosi 1:2

A ku: “Yehovha u ta dzumadzuma le Siyoni, a tlakusa rito ra yena a ri Yerusalema, madyelo ya varisi ma ta va ni tingana, ni nhlohlorhi ya Karmele yi ta oma.”

Amosi 5:16

Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Amosi 8:8

Xana misava yi nga ka yi nga tsekatseki hikwalaho ka sweswo-ke? Lava akeke eka rona hinkwavo va ta va ni tingana? Misava yi ta tlakuka hinkwayo ku fana ni nambu; yi ta tlakuka, yi tlhela yi phya kukota nambu wa Egipta.”

Nahume 1:4

U tshinya lwandle ri va ri phya; u phyisa milambu hinkwayo. Baxani wa vuna, na yena Karmele, na xona xiluva xa Lebanoni xa vuna.

Sofoniya 1:3

Ndzi ta susa vanhu ni swiharhi, ndzi susa ni tinyanyana ta tilo, ni tinhlampfi ta lwandle, ni swikhunguvanyiso kun'we ni lavo biha, ndzi va ndzi tsema vanhu ehenhla ka misava,” ku vula Yehovha.

Zakariya 5:4

Ndzi wu humesile, ku vula Yehovha wa tinyimpi, wu ta nghena endlwini ya khamba ni le ndlwini ya la hlambanyaka hi vito ra mina hi mavunwa; wu ta tshama exikarhi ka yindlu ya yena, wu ta yi herisa, ni timhandze ta yona, ni maribye ya yona.”