Hosiya 4:16 - Xitsonga (Bibele)

¹⁶ Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

BIBELE Mahungu Lamanene

¹⁶ Hakunene vanhu va Israele va tinonon'hwisa, va fana ni thokazi ro karhata; xana HOSI Xikwembu xi nga va yisa emadyelweni lamanene wonge hiloko va ri swinyimpfana, ke?

Hosiya 4:16 Iomraidhean Croise

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Esaya 22:18

a ku vumbuluxa, u vumbuluka kukotisa xirhendzevutana etikweni leri anameke, leri pfulekeke. U ta fela kona; tigolonyi ta ku saseka ta wena ti ta hela kona, wena, tingana ta yindlu ya hosi ya wena!

Esaya 30:23

Enkarhini wolowo u ta nisela timbewu leti mi nga ta byala emasin'wini kutani swakudya swa tinhlampfu leti mirisiweke hi misava swi ta va leswi noneke leswi xurhisaka. Enkarhini wolowo mitlhambi ya n'wina yi ta dyela emadyelweni lama ahlameke.

Esaya 5:17

Tinyimpfu ti ta dya kona tanihi loko ti ri emadyelweni ya tona, kutani vamatiko va ta phanga masimu lama onhiweke ya vafuwi.

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Yeremiya 3:11

Yehovha a ku eka mina: “Israele muhundzuki yena u lulamile ku hundza la nga tshembekangiki.

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Yeremiya 3:8

Hambi ndzi tshikile Israele muhundzuki, hikwalaho ka mikhuva ya yena hinkwayo ya vuoswi, kutani ndzi n'wi nyikile papila ra ku n'wi tshika, hambiloko swi ri tano Yuda, makwavo la nga tshembekangiki, a nga chavanga; na yena a famba, a ya oswa.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Hosiya 10:11

Efrayimi i thokazi leri dyondzisiweke ri rhandzaka ku hula mavele. Kambe mina, ndzi ta veka joko ehenhla ka nhamu ya rona leyinene. Ndzi ta pana Efrayimi, Yuda, yena, a rima, Yakobo a fayetela mabuwu.

Hosiya 11:6

Fumu ri ta onha miti ya yena, ri herisa swipfalo swa yena, ri va heta hikwalaho ka mitengo ya vona.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Zakariya 7:11

Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.