Hosiya 3:4 - Xitsonga (Bibele)

⁴ Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

BIBELE Mahungu Lamanene

⁴ Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Hosiya 3:4 Iomraidhean Croise

Genesa 31:19

Enkarhini lowo, Labani a a yile eku tsemeleni ka tinyimpfu; kutani Rahele a yiva titerafi ta tata wa yena (swifaniso swa swikwembu swa tata wa yena).

Genesa 31:34

Kasi Rahele a a tekile titerafi (swifaniso swa swikwembu), a ti tumbeta exihlalweni xa kamela, kutani a tshamisa ehenhla ka rona. Labani a handzakaxa entsongeni hinkwawo, a nga kumi nchumu.

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

2 SAMIELE 6:14

kutani Davhida a cina hi matimba hinkwawo ya yena emahlweni ka Yehovha, kambe Davhida a a ambarile efodi ya ntsembyana.

2 TIHOSI 23:24

Yosiya a susa ni vangoma, ni vabvumbi, ni “titerafi” ni swifaniso swa swikwembu, ni manyala hinkwawo lama voniweke etikweni ra Yuda na Yerusalema, leswaku ku endliwa hi marito ya nawu lama tsariweke ebukwini leyi Hilkiya, muprista, a yi kumeke endlwini ya Yehovha.

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Eksoda 28:4

“Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

Eksoda 28:6

“Va ta endla efodi hi nsuku, ni xivunguvungu ni scarlet, ni crimson, ni ntsembyana lowo saseka, leyi swuriweke, wu va ntirho wa vutlhari.

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

Ezekiele 19:14

Ndzilo wu humile emarhavini, wu hisile mihandzu; yi nga ha ri na marhavi lamanene lama ringanaka nhonga ya vuhosi. Hi rona rito ra nhlomulo, ri ta va rito ra nhlomulo.

Ezekiele 20:32

Swi nga ka swi nga vi kona leswi taka etimbilwini ta n'wina, loko mi ku: ‘Hi ta fana ni matiko man'wana ni tinxaka ta matiko man'wana, ku luvela ntsandze ni ribye.’

Ezekiele 21:21

Oho fumu, u hlanganisa u tlhava eka lera xinene; angamela, u tlhava eka le ra ximatsi, ematlhelo hinkwawo laha ku kongomekaka kona.

Ezekiele 21:31

Hosi Yehovha u ri: Susa xihuku, u susa musingasoro wa wena; lexi nga kona a xi nga ha vi kona; ku ta tlakusiwa lexi tsongahatiweke, ku ta tsongahatiwa lexi tlakukeke.

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 12:11

Kutani ku sungula hi nkarhi wa ku herisiwa ka gandzelo ra masiku, lowu ku nga ta tlhomiwa manyala ya muonhi, ku ta hundza masiku ya 1 290.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Hosiya 13:10

Yi kwihi hosi ya wena? A yi ku hanyise emitini hinkwayo ya wena! Ni vaavanyisi va wena va kwihi? Kasi hi lava u nga vula ha vona, u ku: “Ndzi nyike hosi ni tindhuna!”

Hosiya 13:11

Ndzi ku nyikile hosi evukarini bya mina, kutani ndzi ta yi susa eku kariheni ka mina.

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Levhitika 8:7

Kutani a ambexa Aroni hembe, a n'wi boha hi vamba, a n'wi ambexa ni rhoko, kutani a veka efodi ehenhla ka yena, a yi tiyisa hi ngoti ya yona.

Zakariya 10:2

Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Zakariya 13:2

Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Yohane 19:15

Kambe va huwelela, va ku: “N'wi suse, n'wi suse, u n'wi vambe!” Pilato a ku eka vona: “Ndzi ta vamba hosi ya n'wina xana?” Vaprista lavakulu va hlamula, va ku: “A hi na hosi yimbe loko a nga ri Khezari.”

Vaheveru 10:26

Hikuva kungakuloko hi dyoha ha vomu, leswi hi nga amukela ku tiva ka ntiyiso, a ka ha ri na mhamba ya ku susa vudyoho,

Vaavanyisi 17:5

Hi mukhuva wolowo, wanuna yeloyi, Mika, a a ri ni yindlu ya swikwembu; a tiendlela ni efodi, ni titerafi, kutani a hlawula un'wana wa vana va yena, a n'wi endla muprista wa yena.

Vaavanyisi 18:14

Kutani vavanuna va ntlhanu lava yeke ku ya kambela tiko ra Layixi, va vutisa vamakwavo, va ku: “Xana a mi swi tivi leswaku efodi yi kona kwala etindlwini teto, ni titerafi, ni xifaniso lexi vatliweke ni lexi chuluriweke xana? Vonani sweswi leswi mi nga ta swi endla.”

Vaavanyisi 8:27

Kutani Gidiyoni a endla efodi ha swona, a yi veka eOfira, emutini wa varikwavo; kambe Vaisraele hinkwavo va endla vuoswi ha yona, wu va ntlhamu eka Gidiyoni ni ka hinkwavo, va yindlu ya yena.

1 SAMIELE 14:3

Ahiya, n'wana Ahituba, makwa Ikabodo, n'wana Finiyasi, n'wana Heli, muprista wa Yehovha eXilo, a ambele Efodi, kambe tiko a ri tivanga leswaku Yonatani a fambile.

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.

1 SAMIELE 21:9

Muprista a ku: “Ku ni banga ra Goliyadi, Mufilista, loyi u n'wi dlayeke enkoveni wa mikanyi, hi rona, ri phutseriwile engubyini endzhaku ka efodi; loko u rhandza ku ri teka, ri teke, hikuva a ku na rin'wana kwala.” Kutani Davhida a ku: “A ku na rin'wana leri fanaka na rona, ndzi nyikete rona.”

1 SAMIELE 22:18

Kutani hosi yi ku eka Dowege: “Wena, hundzuka, u dlaya vaprista.” Kutani Dowege, wa Edomu, a hundzuka a dlaya vaprista. A dlaya siku lero vanhu va 85 lava ambaleke efodi ya ntsembyana.

1 SAMIELE 23:6

Kakuloko Abiyatara, n'wana Ahimeleke, a balekela eka Davhida eKeyila, efodi a yi ri evokweni ra yena.

1 SAMIELE 23:9

Kambe Davhida a swi tiva leswaku Sawulo a a n'wi lava, kutani a ku eka Abiyatara, muprista: “Tisa efodi!”

1 SAMIELE 30:7

Davhida a ku eka Abiyatara, muprista, n'wana Ahimeleke: “Wa nga ndzi tisela efodi.” Kavaloko Abiyatara a tisa efodi eka Davhida.