Hosiya 2:9 - Xitsonga (Bibele)

⁹ Hikwalaho ndzi ta n'wi tekela koro ya mina enkarhini wa yona, ni vhinyo leyintshwa ya mina enkarhini wa yona ndzi n'wi tekela ni voya bya mina, ni ntsembyana wa mina, leswi a tifunengetaka vusweti bya yena ha swona.

BIBELE Mahungu Lamanene

⁹ Hikokwalaho hi nkarhi wa ntshovelo, ndzi ta teka mavele ya mina, ni vhinyo ya mina ndzi ta yi teka hi nguva ya yona; ndzi ta n'wi tekela ni swiambalo swa mina swa xixika ni ximumu, swi nga leswi a a fanele ku funengela swona.

Hosiya 2:9 Iomraidhean Croise

Ezekiele 16:27

Vona, ndzi tshambulutile voko ra mina ehenhla ka wena, ndzi hungutile ndzhaka ya wena, ndzi ku nyiketile valala va wena, va ri vanhwana va Vafilista lava nga ni tingana hikwalaho ka mitirho ya wena leyo biha.

Ezekiele 16:39

Ndzi ta ku nyiketa emavokweni ya vona va ta mbundzuxa yindlu ya wena, va hlanhla switsunga swa wena, va ku susela tinguvu, va ku tekela masindza ni swingwavila swa wena, va ku siya evuswetini bya wena.

Ezekiele 23:26

Va ta susa swifunengelo swa wena, va ku tekela switsimbo swo bomba ha swona.

Daniele 11:13

Hikuva hosi ya le n'walungwini yi ta hlengeleta kambe mavandla layo tala lama hundzisaka yo sungula, kutakuloko ku hundzile malembe man'wana, yi ta fika, yi ri ni nyimpi leyikulu ni vuhosi lebyo tala.

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.

Hosiya 8:7

Va byala moya, kambe va ta tshovela xidzedze. Mavele, wona, a ma nga vi kona; nchocho wu nga ka wu nga veki swakudya, ni loko wu nga veka, swi ta dyiwa hi vamatiko.

Hosiya 9:2

Swivuya ni swikhuvutelo swi nga ka swi nga va xurhisi, ni vhinyo, yi ta kanganyisa ku langutela ka vona.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Sofoniya 1:13

Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Malakiya 1:4

Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!