Hosiya 2:7 - Xitsonga (Bibele)

⁷ Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

BIBELE Mahungu Lamanene

⁷ Ú ta famba a hlota swigangu swa yena, kambe a nga ka a nga fiki eka swona; ú ta famba a swi lava hinkwako, kambe a nge heli a swi kumile. Kutani ú ta ku: ‘Ndzi ta tlhelela eka nuna wa mina wo sungula, hikuva eka yena, a ndzi tiphina ku tlula sweswi.’

Hosiya 2:7 Iomraidhean Croise

2 TIKRONIKA 28:23

Yena hosi Akazi a humesela swikwembu swa Damaska leswi n'wi hluleke, magandzelo, a ku: “Leswi swikwembu swa tihosi ta Siriya swi ti pfunaka, ndzi ta swi tlhavela magandzelo, swi ta ndzi pfuna.” Kambe swi pfuna ku n'wi lovisa swin'we ni Vaisraele hinkwavo.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Esaya 30:16

A mi ku: “Hi ta baleka hi khandziye tihanci!” Kwalaho mi ta tsutsumisiwa! Kambe mi ku: “Hi to khandziya tihanci leta matsambo! Kwalaho va ta mi hlongorisa hi matsambo.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Yeremiya 2:2

“Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

Yeremiya 2:36

U phikelela hikwalaho ka yini ku hambuka ndlela ya wena? U ta khomisiwa tingana hi Egipta, kukota loko wa ha khomisiwile tingana i Vaaxuru.

Yeremiya 3:1

Va te: “Kungakuloko wanuna, a tshika nsati wa yena, kutani nsati yeloyi a suka eka yena, a ya tekiwa hi nuna un'wana, xana nuna wa yena a nga tlhela a n'wi teka xana? Tiko leri ri nga ka ri nga nyamisiwi hi ku endla sweswo-ke? Loko u ri wena, u tinyiketile vuoswi ni swigangu leswo tala xana u ta tlhelela eka mina-ke?” ku vula Yehovha.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!

Yeremiya 31:32

Ku nga ri kukota ntwanano lowu ndzi wu endleke na vatata wa vona siku ndzi va khomaka hi voko ku va humesa etikweni ra Egipta, va nga lava nga tshova ntwanano wa mina, kasi a ndzi ri n'wini wa vona, ku vula Yehovha.

Yeremiya 44:17

kambe hi ta endla hinkwaswo leswi humeke emilon'wini ya hina, hi ta humesela nkosikazi ya matilo mirhi ya risuna, hi yi chelela swakunwa, hilaha hi endleke hakona, hina ni vatata wa hina, tihosi ta hina ni tihosana ta hina, emitini ya Yuda ni le mitsendzeleni ya Yerusalema; enkarhini wolowo a hi xurha hi vuswa; a hi tsaka, hi nga voni makhombo.

Ezekiele 16:18

U tekile tinguvu ta wena leti lukiweke, u swi funengeta ha tona, u halatile emahlweni ka swona mafurha ya mina ni mirhi ya risuna ya mina.

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Ezekiele 20:32

Swi nga ka swi nga vi kona leswi taka etimbilwini ta n'wina, loko mi ku: ‘Hi ta fana ni matiko man'wana ni tinxaka ta matiko man'wana, ku luvela ntsandze ni ribye.’

Ezekiele 23:12

A a rhandza vana va le Asiriya ngopfu, tihosana ni tindhuna, lava ingi va akisane na yena, va ri lava ambaleke leswo saseka ngopfu; vakhandziyi lava khandziyaka tihanci, vavanuna lavantshwa lavo rhandzeka hinkwavo.

Ezekiele 23:22

Hikwalaho, Hosi Yehovha u ri: “Oho Oholiba! Vona, ndzi ta ku pfuxela varhandziwa va wena, lava moya wa wena wu hambaneke na vona, ndzi ta va tisa va pfa ematlhelo hinkwawo ku ta ku lwisa:

Ezekiele 23:4

Mavito ya vona, lonkulu a a ri Ohola, na Oholiba, ndzisana ya yena; a va ri va mina, va veleke varisanyana ni vanhwanyana; loko ma ri mavito ya vona, Ohola, i Samariya, Oholiba, i Yerusalema.

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 5:21

A hlongoriwa exikarhi ka vana va vanhu, mbilu ya yena yi endliwa leyi fanaka ni ya swiharhi, a aka ni maduva, a dya byanyi kukotisa tihomu, ni miri wa yena wu tsakamisiwa hi mberha ya tilo ku fikela nkarhi lowu a tiveke ha wona leswaku Xikwembu lexi nge henhlahenhla, hi xona lexi nga ni ku fuma ehenhla ka vuhosi bya vanhu ni leswaku hi xona lexi vekaka loyi xi rhandzaka ku n'wi veka eka byona.

Hosiya 1:2

Siku Yehovha a sungulaka ku vulavula na Hosiya, a ku eka yena: “Famba, u ya titekela nsati wa vuoswi ni vana va vuoswi; hikuva tiko hinkwaro ri ni vuoswi, ri sukele Yehovha.”

Hosiya 13:6

Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 2:16

Kutani hi siku rero, ku vula Yehovha, u ta ndzi vula nuna wa wena, a ku nga ha ndzi vuli Baali wa wena.

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.