Hosiya 2:23 - Xitsonga (Bibele)

²³ Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

BIBELE Mahungu Lamanene

²³ Ndzi ta tisimekela vanhu va mina etikweni; ndzi ta tsetselela Lo-Ruhama, kutani eka Lo-Ami, ndzi ta ku: ‘Mi vanhu va mina’, vona va ta hlamula va ku: ‘Hi wena Xikwembu xa hina!’ ”

Hosiya 2:23 Iomraidhean Croise

Pisalema 118:28

U Xikwembu xa mina, ndzi ta ku tlangela! U Xikwembu xanga, ndzi ta ku dzunisa.

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Pisalema 68:31

Tihosi letikulu ti ta ti pfa eEgipta; Etiyopiya a angwetla a tshambuluta mavoko eka Xikwembu.

Pisalema 72:16

Ku ta va ni ndzalo ya koro la emisaveni ni le tihlohlorini ta tintshava, Mitshetsho ya rona yi ta hlakahla kukotisa mirhi ya Lebanoni; Lava akeke emitini va ta rhumbuka kukotisa byanyi bya misava.

Risimu ra Tinsimu 2:16

Murhandziwa wa mina i wa mina, mina ndzi wa yena; U dyisela mitlhambi ya yena exikarhi ka makhon'wa,

Esaya 44:5

Loyi u ta ku: ‘Mina ndzi wa Yehovha!’ Un'wana u ta tithya hi vito ra Yakobo un'wanyana kambe u ta fungha evokweni ra yena hi mfungho wa Yehovha, kutani u ta tlangela vito ra Israele.

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 30:22

Ma ha ta tshama mi ri tiko ra mina, mina ndzi va Xikwembu xa n'wina.

Yeremiya 31:27

“Vonani, ku vula Yehovha, ma ta masiku lawa ndzi nga ta byalela yindlu ya Israele, ni yindlu ya Yuda mbewu ya vanhu, ni mbewu ya swifuwo.

Yeremiya 32:38

Ri ta va tiko ra mina, mina ndzi va Xikwembu xa vona.

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Ezekiele 36:29

Ndzi ta mi lwela eka mathyaka ya n'wina hinkwawo; ndzi ta vitana koro, ndzi yi andzisa, ndzi nga ka ndzi nga ha wisi ndlala eka n'wina.

Hosiya 1:6

Kutani a engeta a tika, a veleka wanhwanyana; kutani Yehovha a ku eka Hosiya: “N'wi thye vito ra Lo-Ruhama (la nga tsetseleriwangiki); hikuva a ndzi nga ha tsetseleli yindlu ya Israele hi ku yi rivalela.

Hosiya 8:2

Va ta huwelela eka mina, va ku: “Xikwembu xa hina, hina, Israele, hi ku tivile!”

Zakariya 10:9

Ndzi ta va byala exikarhi ka matiko, va ta ndzi tsundzuka ematikweni ya le kule va ta hanya ni vana va vona va ko va tlhela.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Zakariya 14:16

Masalela ya matiko hinkwawo lawa ma nga hlasela Yerusalema, ma ta tlhandlukela hi lembe rin'wana ni rin'wana, ku ya khongela Hosi, Yehovha wa tinyimpi, ni ku endla nkhuvo wa mitsonga.

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Varhoma 3:29

Xana Xikwembu i xa Vayuda ntsena xana? Xana a hi xa vamatiko na vona xana? Ina, i xa vamatiko, na vona;

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!