Hosiya 2:13 - Xitsonga (Bibele)

¹³ Kutani ndzi ta n'wi tshinya hi masiku ya va Baali lawa a va hiseleke gandzelo ha wona, a vuya a landzela swigangu swa yena, a tibombisa hi swingwavila ni vuhlalu; kasi mina wa ndzi rivala, ku vula Yehovha.

BIBELE Mahungu Lamanene

¹³ Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

Hosiya 2:13 Iomraidhean Croise

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

2 TIHOSI 10:28

Yehu a herisa sweswo Baali exikarhi ka Israele.

2 TIHOSI 21:3

A pfuxa tindhawu leti tlakukeke leti mbundzuxiweke hi Hezekiya, tata wa yena, a akela Baali tialitari, a endla xifaniso xa Axera hilaha Akabu, hosi ya Israele, a endleke hakona, a khinsama emahlweni ka vandla hinkwaro ra matilo, a ri tirhela.

Ntirho 8:13

Tindlela ta lava rivalaka Xikwembu ti tano, Ni ku langutela ka musandzi ka hela.

Pisalema 106:13

Kambe va hatlisa va rivala mitirho ya yena, A va tshembanga makungu ya yena.

Pisalema 106:21

Va rivarile Xikwembu, mukutsuri wa vona, Lexi endleke swilo leswikulukumba eEgipta,

Pisalema 78:11

Va rivele mitirho ya xona, Ni masingita lawa xi nga va kombisa wona.

Eksoda 32:34

Suka sweswi, u fambisa tiko laha ndzi ku leriseke kona. Vona, ntsumi ya mina yi ta ku rhangela emahlweni, kambe siku leri ndzi nga ta avanyisa, ndzi ta va bela ku dyoha ka vona.”

Esaya 17:10

Hikuva u rivarile Xikwembu lexi ku ponisaka, a ku anakanyanga ribye ra khokholo ra wena; hikwalaho i ngi u rimile mitanga leyi tsakisaka, u simeka ni mirhi ya vhinya ya misava yin'wana.

Esaya 65:7

swidyoho swa n'wina,” ku vula Yehovha, “swin'we ni swidyoho swa vatata wa n'wina, lava nga humesa mirhi ya risuna etintshaveni, lava ndzi sandzeke eswitsungeni; ndzi ta va pimela hakelo ya ku hanya ka vona ka khale.”

Yeremiya 11:13

Hikuva, wena Yuda, nhlayo ya swikwembu swa wena yi ringana ni miti ya wena! Kambe nhlayo ya tialitari ta tingana, ti nga tialitari leti ku hiseriwaka Baali mirhi ya risuna, yi fana ni nhlayo ya mitsendzele ya Yerusalema.’

Yeremiya 18:15

Kambe tiko ra mina ri ndzi rivele va fambile va ya hisela swilo swahava magandzelo va hambukisiwile etindleleni ta vona ta khale va fambisiwa emitileni ya tindlela leti nga vandziwangiki;

Yeremiya 2:32

Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.

Yeremiya 23:2

Hikwalaho, Yehovha, Xikwembu xa Israele, a nge eka varisi lava risaka tiko ra mina: “Mi hangalasile ntlhambi wa mina, mi wu hlongola, a mi wu kambelanga; vonani, ndzi ta tlherisela eka n'wina hi vumbabva bya ku endla ka n'wina, ku vula Yehovha.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 5:14

Lavakulu va lan'wile tihuvo, Ni majaha ma tshikile magubu ya wona.

Ezekiele 16:12

Ndzi nghenisa xingwavila etinhompfini ta wena, ni swingwavila etindleveni, ni musingasoro lowo saseka, ndzi ku vehela enhlokweni.

Ezekiele 16:17

U tekile swibombiso swa nsuku ni swa silivhere leswi ndzi nga ku nyika, u tiendlele swifaniso swa vavanuna lava u tinyamisake na vona.

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

Ezekiele 23:35

“Hikwalaho ka swona, ku vula Hosi Yehovha: Leswi u ndzi riveleke, u ndzi cukumeteke ndzhaku ka nhlana wa wena, hikwalaho-ke, rhwala u ri wena, nandzu wa vuhava bya wena ni wa vuoswi bya wena.”

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Hosiya 13:1

Kakuloko Efrayimi a vulavula, ku chava a ku ri kona; u titlakusile eIsraeleni, kambe a tiveka nandzu ha Baali, kutani a fa.

Hosiya 13:6

Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

Hosiya 2:5

Hikuva mana wa vona a a ri ni vuoswi; loyi a va velekeke u tiendlile tingana; hikuva u te: ‘Ndzi ta landzela varhandziwa va mina lava nga ndzi nyika vuswa bya mina ni mati ya mina, ni voya bya mina bya tinyimpfu, ni ntsembyana wa mina, ni mafurha ya mina, ni swo nwa swa mina.’

Hosiya 2:7

Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

Hosiya 4:13

Va endla magandzelo etinhlohlorhini ta tintshava, ni le henhla ka switsunga va hisa magandzelo, va endlisa sweswo ehansi ka nkuhlu, ni popolere, ni nkanyi, hikuva ndzhuti wa swona wa nandzika Hikwalaho vanhwanyana va n'wina va tiendla swigangu, ni vasati va n'wina va tiendla vaoswi.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Hosiya 8:14

Israele u rivele muvumbi wa yena, kutani u akile tindlu ta vuhosi; na Yuda u andzisile ku aka miti leyi biyiweke; kambe ndzi ta rhuma ndzilo emitini ya vona, wu hisa tindlu ta vona ta vuhosi.

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

Duteronoma 32:18

U tshikile Ribye leri ku velekeke, U rivele Xikwembu lexi ku tumbuluxeke.

Duteronoma 6:12

u ta chava ku rivala Yehovha la ku humeseke etikweni ra Egipta, endlwini ya vukhumbi.

Vaavanyisi 10:6

Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

Vaavanyisi 3:7

Kutani vana va Israele va endla leswo biha emahlweni ka Yehovha, va rivala Yehovha, Xikwembu xa vona, va tirhela Baali na Axera.

1 SAMIELE 12:9

Kambe va rivele Yehovha, Xikwembu xa vona, kutani a va nyiketela Sisera, hosi ya nyimpi ya Hasoro, ni Vafilista ni hosi ya Mowabu, lava va hlaseleke.