Hosiya 14:3 - Xitsonga (Bibele)

³ Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

BIBELE Mahungu Lamanene

³ Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Hosiya 14:3 Iomraidhean Croise

2 TIKRONIKA 16:7

Enkarhini wolowo, Hanani, muvoni, a ta eka Asa, hosi ya Yuda, a ku eka yena: “Leswi u tshembeke hosi ya Siriya, u nga tshembangiki Yehovha, Xikwembu xa wena, hikwalaho ka swona, nyimpi ya hosi ya Siriya yi chupukile emavokweni ya wena.

Pisalema 10:14

Kasi wa swi vona, hikuva u languta khombo ni ku xaniseka, Kutani u swi tekela emavokweni ya wena. La nga ekhombyeni u titshembela wena, Hi wena muyimeri wa xisiwana.

Pisalema 146:3

Mi nga titshembeleni tihosi, Hambi va ri vana va vanhu lava hlulekaka ku ponisa,

Pisalema 146:9

Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

Pisalema 33:17

Hanci ya hluleka ku ponisa, Munhu a nga hlayisiwi hi matimba hinkwawo ya yona.

Pisalema 68:5

Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

Esaya 1:29

Hikuva mi ta va ni tingana hikwalaho ka mirhi ya terebinte leyi mi yi naveleke, mi va mi tshutshala hikwalaho ka mitanga leyi mi yi tsakeleke.

Esaya 2:20

Esikwini rero, vanhu va ta cukumeta swikwembu swa nsuku ni swa silivhere leswi va tiendleleke swona ku swi gandzela eka makondlo ni vamangadyani,

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

Esaya 30:16

A mi ku: “Hi ta baleka hi khandziye tihanci!” Kwalaho mi ta tsutsumisiwa! Kambe mi ku: “Hi to khandziya tihanci leta matsambo! Kwalaho va ta mi hlongorisa hi matsambo.

Esaya 30:2

Va xikela eEgipta, va nga si vutisa nomu wa mina, va tsutsumela xisirhelelo xa Faro, va tisirhelela hi ndzhuti wa Egipta!

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Esaya 31:3

Muegipta i munhu, a hi Xikwembu; tihanci ta yena i nyama, a hi moya. Kutakuloko Yehovha a tshambuluta voko ra yena, mupfuni u ta khunguvanyeka ni loyi a n'wi pfunaka, va ta hela swin'we hinkwavo.

Esaya 36:8

Sweswi, wanga tiboha eka n'wini wa mina, hosi ya Asiriya, kutani ndzi ta ku nyika tihanci ta magidi mambirhi, loko u kuma vavanuna ku ti khandziya!

Yeremiya 49:11

U nga siya swisiwana swa wena, mina ndzi ta swi hanyisa, na vona vasati va tinoni va wena va ta ndzi tshemba.”

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Ezekiele 37:23

Va nga ka va nga ha tinyamisi hi swikwembu swa vona swa thyaka, ni manyala ya vona, ni swidyoho swa vona hinkwaswo ndzi ta va lwela eka ku tiarisa hinkwako ka vona loku va nga dyoha hakona, ndzi va basisa; va ta va tiko ra mina, na mina ndzi va Xikwembu xa vona.

Hosiya 12:1

Efrayimi u ndzi rhendzele hi mavunwa, ni yindlu ya Israele, hi ku kanganyisa; loko a ri Yuda, wa ha tiarisa, wa ala ku yingisa Xikwembu, Muhlawuriwa la tshembekaka.

Hosiya 13:2

Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!

Hosiya 14:8

Wena, Efrayimi, ndzi ni mhaka yihi ni swifaniso? Hi mina ndzi n'wi hlamulaka, ndzi n'wi langutelaka; mina ndzi kotisaka murhi wa kipresi lowu tsakamaka; mihandzu leyi kumiwaka eka wena yi huma eka mina.

Hosiya 2:17

Kutani ndzi ta susa mavito ya va Baali enon'wini wa wena, leswaku mavito ya vona ma nga ha vuriwi.

Hosiya 4:12

Tiko ra mina ri vutisa mirhi ya rona, kutani nkhavi wa rona wu ri tsundzuxa; hikuva moya wa vuoswi wu va hundzuluxile va oswa ekule ni Xikwembu xa vona.

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Hosiya 7:11

Efrayimi u fana ni tuva lero rivala; a nga na ku anakanya. Va ka Efrayimi va vita Vaegipta, va rhumela eka Vaaxuru.

Hosiya 8:6

Hikuva lero ri hume eka Israele; ri endliwe hi mufuri, a hi Xikwembu; rhole ra Samariya ri ta pfotlotiwa.

Hosiya 8:9

Hikuva vona va ye eAsiriya. Hanci, yona, yi tisalela yi ri yoxe; kambe Efrayimi u tilavela lava n'wi rhandzaka hi tinyiko.

Yonasi 2:10

Kambe mina ndzi ta ku tisela mhamba ya mina, ndzi vula ku dzuneka ka wena; ndzi va ndzi hetisisa leswi ndzi swi hlambanyeke. Ku hlayiseka ku huma eka Yehovha.”

Zakariya 13:2

Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Yohane 14:18

Ndzi nga ka ndzi nga mi siyi mi ri swisiwana, ndzi ta ta eka n'wina.

Duteronoma 17:16

Ntsena a nga tshuki a va ni tihanci leto tala, kambe a nga tshuki a tlherisela tiko eEgipta leswaku a ta kuma tihanci leto tala; hikuva Yehovha u te eka n'wina: Mi nga ka mi nga ha tlheli hi ndlela leyi!