Hosiya 13:9 - Xitsonga (Bibele)

⁹ Leswi ku lahlaka, wena Israele hi loko u tiendle nala eka mina, eka loyi a ku pfunaka.

BIBELE Mahungu Lamanene

⁹ N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Hosiya 13:9 Iomraidhean Croise

2 TIKRONIKA 28:23

Yena hosi Akazi a humesela swikwembu swa Damaska leswi n'wi hluleke, magandzelo, a ku: “Leswi swikwembu swa tihosi ta Siriya swi ti pfunaka, ndzi ta swi tlhavela magandzelo, swi ta ndzi pfuna.” Kambe swi pfuna ku n'wi lovisa swin'we ni Vaisraele hinkwavo.

Pisalema 146:5

Ku katekile loyi Xikwembu xa Yakobo, xi nga matimba ya yena, Loyi ku tshemba ka yena ku nga ka Yehovha, Xikwembu xa yena.

Pisalema 33:20

Mimoya ya hina yi titshembele Yehovha; U mupfuni wa hina ni switlhangu swa hina.

Pisalema 46:1

Xikwembu i vuchavelo bya hina ni matimba ya hina, I ku pfuna loku kumiwaka kusuhi emapfalweni.

Swivuriso 6:32

La oswanaka ni wansati u heleriwe hi ku anakanya, La endlaka sweswo u lovisa moya wa yena;

Swivuriso 8:36

Kambe la ndzi dyohelaka u onha moya wa yena. Hinkwavo lava ndzi vengaka va rhandza rifu.”

Esaya 3:11

U ni khombo mudyohi, u ni khombo, hikuva u ta nyikiwa hakelo ya mitirho ya mavoko ya yena.

Esaya 3:9

Nghohe ya mimombo ya vona ya va avanyisa, va twarisile swidyoho swa vona tanihi Sodoma, kutani a va vuyangi va fihla, ku ni khombo eka mimoya ya vona hikuva hi vona lava tilaveleke ku lova ka vona.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 4:18

“I mikhuva ya wena ni swiendlo swa wena leswi ku humeseleke swilo sweswo; i mihandzu ya ku biha ka wena; kunene swa vava; kunene swi nghenile ku ya fika embilwini ya wena.”

Yeremiya 5:25

Swidyoho swa n'wina swi hambukisile swilo leswo hinkwaswo; mi tsoniwa ku kateka kuloku hikwalaho ka swidyoho swa n'wina.

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Hosiya 7:15

Mina ndzi va dyondzisile, ndzi vuya ndzi tiyisa mavoko ya vona, kasi va kanele ku biha ehenhla ka mina.

Malakiya 1:12

Kambe n'wina, ma ri onha, loko mi ku: ‘Tafula ra Yehovha ri ni thyaka, ni leswi taka eka rona i swakudya leswi solekaka.’

Malakiya 1:13

Kutani mi ri: ‘Languta, a hi ku karhata ka xona!’ Mi vuya mi xi sola, ku vula Yehovha wa mavandla; mi tisa lexi yiviweke, ni lexi khwitaka, ni lexi vabyaka, mi endla gandzelo ha swona! Xana ndzi ta swi amukela emavokweni ya n'wina xana? Ku vula Yehovha.

Malakiya 1:9

‘Kutani sweswi, khongelani emahlweni ka Xikwembu, leswaku xi hi tsetselela!’ Mhaka leyo a yi endliwa hi n'wina. Xana u ta mi amukela xana? ku vula Yehovha wa mavandla.

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”