Hosiya 13:6 - Xitsonga (Bibele)

⁶ Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

BIBELE Mahungu Lamanene

⁶ Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Hosiya 13:6 Iomraidhean Croise

Nehemiya 9:35

Kambe eku fumeni ka vona, hambi u va pfunile hi vunene byo tala, u va nyikile tiko lerikulu leri velekaka, a va ku tirhelanga a va fularhelanga mitirho leyo biha ya vona,

Pisalema 10:4

Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Esaya 17:10

Hikuva u rivarile Xikwembu lexi ku ponisaka, a ku anakanyanga ribye ra khokholo ra wena; hikwalaho i ngi u rimile mitanga leyi tsakisaka, u simeka ni mirhi ya vhinya ya misava yin'wana.

Yeremiya 5:7

“Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

Ezekiele 23:35

“Hikwalaho ka swona, ku vula Hosi Yehovha: Leswi u ndzi riveleke, u ndzi cukumeteke ndzhaku ka nhlana wa wena, hikwalaho-ke, rhwala u ri wena, nandzu wa vuhava bya wena ni wa vuoswi bya wena.”

Ezekiele 28:5

Hi vukulu bya vutlhari bya wena, ni mabindzu ya wena, u andzise rifuwo ra wena, kutani mbilu ya wena yi titlakusile hi rifuwo ra wena.

Hosiya 10:1

Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.

Hosiya 12:8

Efrayimi i Mukanana (muxavisi); evokweni ra yena u tamele xikalo xa ku xisa, u rhandza ku kanganyisa.

Hosiya 2:13

Kutani ndzi ta n'wi tshinya hi masiku ya va Baali lawa a va hiseleke gandzelo ha wona, a vuya a landzela swigangu swa yena, a tibombisa hi swingwavila ni vuhlalu; kasi mina wa ndzi rivala, ku vula Yehovha.

Hosiya 2:7

Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Hosiya 4:7

Loko va ri karhi va andza, hilaha va ndzi dyohelaka hi ku tlurisa; ku twala ka vona ndzi ta ku hundzula tingana.

Hosiya 5:14

Hikuva ndzi tanihi nghala eka Efrayimi, ni tanihi nghalanyana eka yindlu ya Yuda. Mina, mina hi xiviri, ndzi ta handzula kutani ndzi tifambela; ndzi ta teka lexi ndzi xi phangeke, kambe a ku na la nga xi kutsulaka.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Hosiya 8:14

Israele u rivele muvumbi wa yena, kutani u akile tindlu ta vuhosi; na Yuda u andzisile ku aka miti leyi biyiweke; kambe ndzi ta rhuma ndzilo emitini ya vona, wu hisa tindlu ta vona ta vuhosi.

Hosiya 8:4

Vona va vekile tihosi, kambe ku nga ri hi ku lerisa ka mina; va veke tindhuna, kasi a ndzi swi tivi. Hi nsuku wa vona, ni silivhere ya vona va tiendlele swifaniso, va kondza va herisiwa.

Duteronoma 32:18

U tshikile Ribye leri ku velekeke, U rivele Xikwembu lexi ku tumbuluxeke.