Hosiya 13:2 - Xitsonga (Bibele)

² Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!

BIBELE Mahungu Lamanene

² Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Hosiya 13:2 Iomraidhean Croise

1 TIHOSI 19:18

Kambe ndzi tihlayisele vanhu va 7 000 exikarhi ka va Israele va ri hinkwavo lava nga khinsamelangiki Baali, ni ku n'wi ntswontswa.”

2 TIKRONIKA 28:13

va ku eka vona: “Mi nga ka mi nga nghenisi vakhomiwa lava halenu, hikuva mi rhandza ku engetela xidyoho xa hina ni milandzu ya hina, mi hi lavela nandzu emahlweni ka Yehovha hikuva nandzu wa hina wukulu, kutani vukari lebyikulu byi le henhla ka Israele.”

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Esaya 1:5

Mi ta biwa ku yisa kwihi, loko mi andzisa ku tiarisa ka n'wina xana? Nhloko hinkwayo ya vabya, ni mbilu hinkwayo yi twa ku vaviseka.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.

Esaya 44:11

Maswivo, lava swi tirhaka va ta va ni tingana, ni vatirhi va vona i vanhu ntsena. A va hlengeletane hinkwavo, a va humelele! Hinkwavo va ta chava swin'we va khomiwa hi tingana.

Esaya 45:20

Hlengeletanani, tanani, tshinelani swin'we, n'wina lava seleke exikarhi ka vamatiko! Va pfumala ku twisisa lava rhwalaka xifaniso xa vona xa ntsandze, lava khongelaka xikwembu lexi nga kotiki ku ponisa.

Esaya 46:6

Va humesa nsuku enkwameni wa vona, va pima silivhere exikalweni va rhamba mufuri leswaku a fula ha swona xikwembu ku xi khinsamela ni ku xi gandzela.

Esaya 46:8

“Anakanyani swilo leswi, kutani mi va vavanuna! N'wina, vatiarisi, tiyingiseni!

Yeremiya 10:4

va ri bombisa hi silivhere ni nsuku, va ri bela swipikiri hi nyundzu leswaku ri nga tsekatseki.

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Hosiya 10:1

Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.

Hosiya 10:5

Vaaki va Samariya va chava hikwalaho ka rhole ra Beta-Avene; hikuva tiko ra kona ri le nkosini ni vaprista va kona va rhurhumela hikwalaho ka rona, ni hikwalaho ka ku twala ka rona, hikuva ku sukile eka rona.

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Hosiya 11:6

Fumu ri ta onha miti ya yena, ri herisa swipfalo swa yena, ri va heta hikwalaho ka mitengo ya vona.

Hosiya 14:3

Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

Hosiya 2:8

“Kambe a a nga tivi leswaku hi mina loyi ndzi n'wi nyikaka koro, ni vhinyo, ni mafurha, ndzi n'wi andziselaka silivhere, ni nsuku lowu va wu humeselaka Baali.

Hosiya 4:17

Efrayimi u pfangene ni swifaniso; n'wi sukele!

Hosiya 8:4

Vona va vekile tihosi, kambe ku nga ri hi ku lerisa ka mina; va veke tindhuna, kasi a ndzi swi tivi. Hi nsuku wa vona, ni silivhere ya vona va tiendlele swifaniso, va kondza va herisiwa.

Hosiya 8:5

Rhole ra wena, Samariya, ra ndzi nyenyetsa! Vukari bya mina bya va pfurhela. Va ta ala ku tibasisa ku yisa kwihi?

Hosiya 8:6

Hikuva lero ri hume eka Israele; ri endliwe hi mufuri, a hi Xikwembu; rhole ra Samariya ri ta pfotlotiwa.

Tinhlayo 32:14

Kutani sweswi mi yima ematshan'weni ya vatata wa n'wina, mi ri rixaka ra vadyohi, mi lavela Israele ku engetela ku kariha ha Yehovha.

Varhoma 11:4

Kambe Xikwembu xi n'wi hlamurise ku yini xana? Xi te: “Ndzi tihlayisele vavanuna va ntlhanu wa makume na makume mambirhi ya madzana, lava nga khinsamangiki emahlweni ka Baali.”

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

1 SAMIELE 10:1

Kutani Samiele a teka rimhondzo ra mafurha, a ri chela enhlokweni ya Sawulo, kutani a n'wi ntswontswa a ku: “Xana Yehovha a nga ku chelanga hi mafurha leswaku u va hosi ehenhla ka ndzhaka ya yena xana?