Hosiya 13:1 - Xitsonga (Bibele)

¹ Kakuloko Efrayimi a vulavula, ku chava a ku ri kona; u titlakusile eIsraeleni, kambe a tiveka nandzu ha Baali, kutani a fa.

BIBELE Mahungu Lamanene

¹ Khale loko va ka Efrayimi va vulavula, a va rhurhumerisa vanhu; a va chaviseka exikarhi ka Vaisraele, kambe sweswi va wele enandzwini wo gandzela Baali, va tivangela rifu.

Hosiya 13:1 Iomraidhean Croise

Genesa 2:17

kambe loko wu ri murhi wo tivisa swo saseka ni swo biha, u nga tshuki u dya, hikuva siku u dyaka, u ta fa.”

1 TIHOSI 12:25

Yerobuwamu a aka Xikeme, entshaveni ya Efrayimi, a tshama kona; a tlhela a huma kona a ya aka Penuwele.

Ntirho 29:21

“A va rhiya tindleve va langutisisa, Kuteloko ndzi vulavurile va miyela.

Ntirho 29:22

A ku nga ri na loyi a hlamulaka loko ndzi vulavurile, Timhaka ta mina a yi ri mberha ehenhla ka vona.

Swivuriso 18:12

Ku onhaka loko ku nga si humelela, mbilu ya munhu ya tidzunisa, Kambe ku titsongahata ku rhangela xidzumo emahlweni.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Esaya 7:8

Hikuva nhloko ya Siriya i Damaska, kutani nhloko ya Damaska i Resini, kutani malembe ya 65, loko ma hundzile, Efrayimi a nga ka a nga ha hlayiwi exikarhi ka matiko.

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Hosiya 2:10

Sweswi-ke, ndzi ta funungula vuhava bya yena emahlweni ka swigangu swa yena, ku nga ri na munhu la nga n'wi lamulelaka evokweni ra mina.

Hosiya 2:8

“Kambe a a nga tivi leswaku hi mina loyi ndzi n'wi nyikaka koro, ni vhinyo, ni mafurha, ndzi n'wi andziselaka silivhere, ni nsuku lowu va wu humeselaka Baali.

Hosiya 8:4

Vona va vekile tihosi, kambe ku nga ri hi ku lerisa ka mina; va veke tindhuna, kasi a ndzi swi tivi. Hi nsuku wa vona, ni silivhere ya vona va tiendlele swifaniso, va kondza va herisiwa.

Tinhlayo 10:22

Mfungho wa nxaxa wa vana va Efrayimi wu suka hi mavandla ya vona: vandla ra Efrayimi ri fambisiwa hi Elixama, n'wana Amihudi;

Tinhlayo 13:16

Hi wona mavito ya vavanuna lava Muxe a va rhumeke ku ya kamba tiko; kutani Muxe a thya Hoxeya, n'wana Nuni, vito ra Yoxuwa.

Tinhlayo 13:8

wa nyimba ya Efrayimi, Hoxeya, n'wana Nuni;

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Varhoma 5:12

Hikwalaho, kukota leswi ku dyoha ku ngheneke emisaveni hi munhu a ri un'we, kutani rifu ri kona hikwalaho ka ku dyoha; hi mukhuva wolowo, rifu ri funengete vanhu hinkwavo, hikuva va dyohile hinkwavo.

2 Vakorinto 5:14

Hikuva rirhandzu ra Kriste ri hi bohile, hi ringanisa leswaku, leswi un'we a feleke hinkwavo, hinkwavo va file,

Yoxuwa 3:7

Yehovha a ku eka Yoxuwa: “Namuntlha ndzi ta sungula ku ku kurisa emahlweni ka Vaisraele hinkwavo, va ta tiva leswaku ndzi ta va na wena kukotisa leswi ingi ndzi ri na Muxe.

Vaavanyisi 12:1

Kutani vavanuna va Efrayimi va hlengeletana va hundzela tlhelo ra le n'walungwini, va ta, va ku eka Yefta: “Siku u yeke ku ya lwa ni vana va Amoni, a ku hi vitananga ha vini, leswaku hi famba na wena? Sweswi hi ta ku hisela endlwini ya wena.”

Vaavanyisi 8:1

Kambe vavanuna va Efrayimi va ku eka Gidiyoni: “U hi endlisele yini sweswo loko u nga hi rhambangi loko u ya lwa ni Vamidiyani,” va n'wi tengisa ngopfu.

1 SAMIELE 15:17

Samiele a ku: “Hambi u tiringanisa lontsongo, a ku vekiwanga hosi ya tinyimba ta Israele, kutani Yehovha a nga ku chelanga hi mafurha leswaku u va hosi ya Israele xana?