Hosiya 11:6 - Xitsonga (Bibele)

⁶ Fumu ri ta onha miti ya yena, ri herisa swipfalo swa yena, ri va heta hikwalaho ka mitengo ya vona.

BIBELE Mahungu Lamanene

⁶ Banga ri ta rhendzeleka ni miti ya vona, ri ta pulukanya timhandze etinyangweni ta miti ya vona, ri va dungadunga emakhokholweni ya vona.

Hosiya 11:6 Iomraidhean Croise

Pisalema 106:39

Na vona va tichela hi thyaka hi mitirho ya vona, Ni mitirho ya vuoswi bya vona.

Pisalema 106:43

Hakanyingi Yehovha u va kutsurile, Kambe vona va tiarisa hi ku tirhandzela makungu ya vona, Kutani va tilahla hi ku biha ka vona.

Esaya 18:5

Hikuva loko ku nga si tshoveriwa, loko xiluva xi wile, xi hundzukile xidzumba lexi vupfeke, u ta tsema marhavi hi mukwana; a va a susa, a tsema misinya.

Esaya 27:10

Hikuva muti wa matimba wu hundzuke rhumbi, muti lowu tshikiweke, lowu fularheriweke tanihi mananga, marhole ma dya, ma etlela kona, ma dya marhavi.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.

Esaya 9:14

Hikwalaho Yehovha u ta tsema eka Israele nhloko ni ncila, nala ni rihlanga, hi siku rin'we.

Yeremiya 5:17

Ri ta dya mavele ya wena ni vuswa bya wena; ri ta dya vana va wena va xinuna ni va xisati; ri dya tinyimpfu ta wena ni tihomu ta wena; ri dya vhinya ya wena ni mikuwa ya wena, ri ta heta hi fumu miti ya wena ya makhokholo leyi u yi tshembeke.

Yeremiya 50:35

“Fumu a ri ve ehenhla ka Vakalediya, ku vula Yehovha, ni le henhla ka vaaki va Babilona, ni le henhla ka tihosi ta yena, ni le henhla ka va vutlhari va yena.

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

Hosiya 10:14

Mikitsikitsi yi ta humelelela tiko ra wena, ni makhokholo ya wena ma ta herisiwa hinkwawo, kukotisa loko ku herisiwe Beta-Arabele hi Xalimani hi siku ra nyimpi, loko vana va fayiwa kun'we ni vamana wa vona.

Hosiya 10:6

Ri ta yisiwa eAsiriya, yi va nyiko ya hosi ya Yarebe. Efrayimi u ta khomiwa hi tingana, na Israele u ta nyuma hikwalaho ka leswi a swi hanyeleke.

Hosiya 13:16

Samariya u ta tshinyiwa hikuva u tiarisile eka Xikwembu xa yena. Va ta dlawa hi fumu; tirisana ta vona ti ta fayiwa, ni vasati va vona lava tikeke va ta handzuriwa.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Hosiya 4:17

Efrayimi u pfangene ni swifaniso; n'wi sukele!

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Amosi 6:8

Hosi, Yehovha, u hlambanyile hi moya wa yena, a ku: Ku vula Yehovha, Xikwembu xa tinyimpi: “Ndzi vengile ku tikurisa ka Yakobo, ndzi yila tindlu ta yena ta vuhosi; ndzi ta nyiketa valala muti ni hinkwaswo leswi nga eka wona.”

Mikiya 5:11

ndzi ta lovisa miti ya tiko ra wena, ndzi nhlanhla makhokholo ya wena hinkwawo.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Duteronoma 28:52

Va ta ku rhendzela emitini hinkwayo ya wena, ku ko ku wa etikweni hinkwaro ra wena makhokholo lama tlakukeke ni lama tiyeke lawa u ma tshembeke; va ta ku hlasela emitini hinkwayo ya wena, ni le tikweni hinkwaro leri Yehovha, Xikwembu xa wena, a nga ta ku nyika rona.

Duteronoma 32:25

Ehandle va ta dlawa hi tlhari, Endzeni, va ta fa hi nchavo: Jaha ri ta lova kukotisa wanhwanyana, La an'waka, kukota nkulukumba.