Hosiya 11:11 - Xitsonga (Bibele)

¹¹ Va ta rhurhumela kukotisa nyanyana, va huma eEgipta, ni kukotisa tuva va huma emisaveni ya Asiriya; kutani ndzi ta va akisa etindlwini ta vona, ku vula Yehovha.

BIBELE Mahungu Lamanene

¹¹ va ta vuya hi ku rhurhumela ku fana ni tinyanyana, va huma etikweni ra Egipta, va ta vuya hi le tikweni ra Asiriya, va fana ni matuva. HOSI Xikwembu xi vula sweswo xi ri: “Mina ndzi ta va tlherisela emitini ya vona.”

Hosiya 11:11 Iomraidhean Croise

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 60:8

I va mani, lava hahaka kukotisa mapapa, tanihi matuva exihahlweni xa wona?

Yeremiya 31:12

Va ta ta va huwelela hi ku tsaka eswitsungeni swa Siyoni; va ta tsutsumela vunene bya Yehovha, yi nga koro, ni vhinyo ni mafurha, ni leswi tswariweke hi tinyimpfu ni tihomu; mimoya ya vona yi ta kotisa ntanga lowu cheletiweke swinene, a va nga ha tshami eku vavisekeni.

Ezekiele 34:27

Murhi wa le masin'wini wu ta veka mihandzu ya wona, ni tiko ri ta veka swa rona; va ta tikhorisa etikweni ra vona, kutani va ta tiva leswaku hi mina Yehovha, siku ndzi tshovaka swiboho swa joko ra vona ndzi va lamulelaka emavokweni ya lava va fambisaka.

Ezekiele 34:28

“A va nga ha vi timbhari eka matiko; swivandza swa tiko a swi nga ha va dyi, kambe va ta aka hi ku tikhorisa, a ku nga ha vi na lava chavisaka.

Ezekiele 37:21

“Va byele, u ku: Hosi Yehovha a vulavula sweswo, a ku: Ndzi ta teka vana va Israele exikarhi ka matiko lawa va yeke eka wona; ndzi ta va hlengeleta hi matlhelo hinkwawo, ndzi va tisa etikweni ra vona.

Ezekiele 37:25

Va ta tshama etikweni leri ndzi nga ri nyika nandza wa mina Yakobo, leri vatata wa vona va nga aka eka rona, va ta tshama kona vona, ni vana va vona, ni vatukulu va vona hilaha ku nga heriki Davhida, nandza wa mina, u ta va hosi ya vona hi masiku hinkwawo.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Hosiya 7:11

Efrayimi u fana ni tuva lero rivala; a nga na ku anakanya. Va ka Efrayimi va vita Vaegipta, va rhumela eka Vaaxuru.

Obadiya 1:17

Kambe lava poneke va ta va kona entshaveni ya Siyoni; xi ta va xivandla lexi hlawulekeke, kutani va yindlu ya Yakobo va ta fuma ndzhaka ya vona.

Zakariya 10:10

Ndzi ta va tlherisa etikweni ra Egipta, ni le Asiriya, ndzi va hlengeleta, ndzi va tisa etikweni ra Giliyadi ni le Lebanoni, xivandla xi ko xi nga va ringani.

Zakariya 8:7

“Yehovha wa tinyimpi u ri: Vonani, ndzi ta ponisa vanhu va mina etikweni ra vuxa, ni le vusikwini;

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”